وزبەكستان پرەزيدەنتى شاۆكات ميرزياەۆ 11 تامىزدا "ۆاتاندوشلار" قوعامدىق قورىن قۇرۋ تۋرالى جارلىققا قول قويدى. دەپ حابارلادى ورتالىق ازيا جاڭالىقتار قىزمەتى.
رەسمي مالىمەتكە قاراعاندا، قوردىڭ ماقساتى - "شەتەلدە تۇراتىن وتانداستاردى تاريحي وتانى توڭىرەگىنە بىرىكتىرۋ، ولاردىڭ جۇرەگىندە ەلگە دەگەن ماقتانىش سەزىمىن نىعايتۋ، ۇلتتىق ەرەكشەلىكتى ساقتاۋ، وتانداستار مەن ولار قۇرعان ءتۇرلى بىلەستىكتەردى قولداۋ".
قوردىڭ نەگىزگى باعىتتارى دا ايقىندالدى. قوعامدىق قور شەتەلدە تۇراتىن وتانداستاردىڭ قوعامدىق بىرلەستىكتەرىمەن ارىپتەستىك بايلانىس ورناتادى، ونى نىعايتادى; شەتەلدە تۇراتىن وتانداستاردىڭ قۇقىقتارى مەن ەركىندىگىن قورعاۋعا كومەكتەسەدى; شەتەلدە قيىن جاعدايدا قالعان وتانداستارعا ماتەريالدىق جانە الەۋمەتتىك كومەك كورسەتەدى; وزبەك ءتىلىن، مادەنيەتى مەن ءداستۇرىن شەتەلدە دامىتۋعا جانە ساقتاۋعا قولعابىس ەتەدى; شەتەلدە تۇراتىن دارىندى وتانداستارعا جاعداي جاسايدى.
"ۆاتاندوشلار" قوعامدىق قورىنىڭ جوعارعى ورگانى رەتىندە قامقورلىق كەڭەسى بەكىتىلگەن. جەرگىلىكتى اقپارات قۇرالدارىنىڭ حابارلاۋىنشا، بۇل كەڭەستى وزبەكستاننىڭ حالىق ءارتىسى شەرالى جۋراەۆ باسقارادى، ونىڭ ورىنباسارى قىزمەتىن بەلگىلى تورەشى راۆشان يرماتوۆ اتقارادى.
قوردى قۇرۋعا قاجەتتى 5 ملرد سۋم ($470 مىڭ) ۇكىمەتتىڭ رەزەرۆ قورىنان بولىنەدى.
مالىمەتتەرگە قاراعاندا، قور وزبەكستاننان شىعىپ، الەمنىڭ جۇزدەن استام ەلىندە ورنىققان 10 ميلليوننان استام وزبەككە، سونىمەن بىرگە ولاردىڭ 170-تەن استام مادەني ورتالىقتارىنا قولداۋ كورسەتەدى.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى