ەلدەگى قۋاقشىلىققا بايلانىستى وتكەن ايدا پرەزيدەنت قاسىم-جومارت توقاەۆتىڭ جارلىعىمەن قىزمەتىنەن بوساتىلعان بۇرىنعى اۋىل شارۋاشىلىعى ءمينيسترى ساپارحان وماروۆ "ازىق-تۇلىك كەلىسىم شارت كورپوراتسياسى" ۇلتتىق كومپانياسىنىڭ باسقارما توراعاسى بولىپ تاعايىندالدى. بۇل اقپاراتتى بۇگىن، 4 تامىزدا اۋىل شارۋاشىلىعى مينيسترلىگىنىڭ ءباسپاسوز قىزمەتى حابارلادى.
"ساپارحان وماروۆتىڭ قازاقستاننىڭ ازىق-تۇلىك قاۋىپسىزدىگىن قامتاماسىز ەتۋ جانە استىق سالاسىن دامىتۋ سالاسىنداعى كوپ جىلدىق ناتيجەلى قىزمەتىن، سونىمەن بىرگە استىقتى مەملەكەتتىك ساتىپ الۋ جۇيەسىندە تابىستى تاجىريبەسىن ەسكەرە وتىرىپ، اۋىل شارۋاشىلىعى ءمينيسترىنىڭ مىندەتىن اتقارۋشىنىڭ بيىلعى 28 شىلدەدەگى № 227 بۇيرىعىمەن ۇكىمەت كەلىسىمىنە سايكەس، ساپارحان وماروۆ "ازىق-تۇلىك كەلىسىم-شارت كورپوراتسياسى" ۇلتتىق كومپانياسى باسقارما توراعاسى لاۋازىمىنا سايلاندى" دەلىنگەن مينيسترلىك حابارلاماسىندا.
53 جاستاعى ساپارحان وماروۆ 2019 جىلدىڭ اقپانىنان بەرى اۋىل شارۋاشىلىعى مينيسترلىگىن باسقاردى. 10 شىلدەدە ۇكىمەت وتىرىسىندا پرەزيدەن توقاەۆ قۋاڭشىلىق كەزىندە بىرقاتار ايماقتا مالدىڭ ازىق جەتپەي قىرىلعانىنا بايلانىستى اۋىل شارۋاشىلىعى مينيسترلىگىنىڭ جۇمىسىن سىناپ، "مينيستر قىزمەتىنەن كەتۋى ءتيىس" دەپ مالىمدەگەن. ارتىنشا وماروۆتىڭ وتستاۆاكاعا كەتكەنى حابارلاندى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟