سەمەيدە كوروناۆيرۋسقا قارسى ۆاكتسينانىڭ 30-دان استام جالعان پاسپورتىن "ساتقان" ەكى مەديتسينا قىزمەتكەرى ۇستالدى. بۇل تۋرالى دۇيسەنبى كۇنى ىشكى ىستەر مينيسترلىگىنىڭ وكىلى شۇعىلا تۇرلىبەكتىڭ اقپاراتانىا سۇيەنگەن Vlast سايتى حابارلادى.
"سەمەيدە جەدەل شارا بارىسىندا ۆاكتسينانىڭ جالعان پاسپورتىن ساتۋ ارقىلى اقشا تاپپاق بولعان ەكى مەديتسينا قىزمەتكەرى انىقتالدى. قالاداعى مەديتسينالىق-الەۋمەتتىك مەكەمەلەردىڭ بىرىندە جۇمىس ىستەيتىن قىزمەتكەر جەكەلەگەن ازاماتتاردان 15 مىڭ تەڭگە كولەمىندە اقشا العان. اقشانىڭ ءبىر بولىگى ياعني، 10 مىڭ تەڭگە تولقۇجات، قۇجات كوشىرمەلەرىمەن بىرگە جەدەل جاردەم ورتالىعىنداعى تانىسىنا بەرىلگەن. ول ۆاكتسينا تۋرالى دەرەك قورىنا بۇرىس مالىمەتتى ەنگىزگەن" دەدى شۇعىلا تۇرلىبەك.
مينيسترلىكتىڭ حابارلاۋىنشا، قازىر قىلمىستىق ءىس اياسىندا پوليتسەيلەر ۆاكتسينانىڭ جالعان پاسپورتىن العان ادامداردى انىقتاپ، تەرگەپ جاتىر. ۇستالعاندار 30-دان استام تۇرعىنعا جالعان قۇجات ساتقانىن مويىنداعان. الايدا تەرگەۋ ورگاندارى بۇدان دا كوپ جالعان قۇجات ساتىلۋى مۇمكىن دەپ توپشىلايدى.
تەرگەۋ امالدارى اياقتالعاننان كەيىن جالعان قۇجاتتار مەن مەديتسينالىق دەرەكتەر جويىلادى دەيدى مينيسترلىك.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟