«تاليبان» مەن اۋعانستان ۇكىمەت وكىلدەرى يراندا كەزدەسۋدە

يران ورتالىق قالاسى تەھراندا (تەگەران) اۋعانستان ۇكىمەتى مەن «تاليبان» قوزعالىسى وكىلدەرى اراسىندا كەلىسسوز باستالدى. اۋعانستاننىڭ ىشكى ديالوگىنا يران تارابى ارا اعايىندىق جاساۋدا.

يراننىڭ رەسمي اقپارات قۇرالدارى تاراتقان مالىمەتتەرگە قاراعاندا، كەلىسسوز وتىرىسىنا يران سىرتقى ىستەر ءمينيسترى مۇحاممەد جەۆاد زاريف تە قاتىسقان. ول شارانىڭ باستالۋ ءسوزىن سويلەپ، تاراپتار اۋعانستان بولاشاعى ءۇشىن كەلىسىمگە كەلۋى كەرەك ەكەنىن العا تارتقان. زاريف سوزىندە اۋعانستاننىڭ ىشكى تۇراقتىلىعىن قالپىنا كەلتىرۋ ءۇشىن تاراپتاردىڭ ءوز ارا تۇسىنىستىككە جەتۋ جولىندا يران تارابى بارلىق كومەكتى كورسەتۋگە دايىن.

بۇعان دەيىن كەيبىر تاۋەلسىز ساراپشىلار اقش پەن ناتو كۇشتەرى اۋعانستاننان شەگىنىپ شىعۋى بەلگىلى دەڭگەيدە يراننىڭ اۋعانستان مەن ورتالىق ازياداعى ىقپالىن ارتتىرۋ مۇمكىن ەكەنىن بولجاعان. تەھران بيلىگى قازىر اۋعانستاندا ىشكى ديالوگتى باقىلاۋىنا الۋعا تىرىسۋدا.

“The Qazaq Times”