ءازىربايجان سوعىس تۇتقىندارىن ميننا كارتالارىن ايىرباستاۋدا. فوتو: MAPS>GOOGLE.

ءازىربايجان سىرتقى ىستەر مينيسترلىگى مالىمدەمە جاساپ، فيزۋلي جانە زانگيلان پروۆينتسيالارىنا كومىلگەن مينالاردىڭ كارتاسىن الۋ ءۇشىن قولعا تۇسكەن 15 ارمەنيا ازاماتىن قايتارىپ بەرگەنىن مالىمدەدى.

ءازىربايجان ءسىم تارابىنىڭ مالىمەتىندە، ءبىر كەزدەرى ارمەنيا باسىپ العان فيزۋلي مەن زانگيلان جەرلەرىنە جالپى سانى 92 مىڭنان استام مينا كومىلگەن. بۇل مينالار نەگىزىنەن تانككە جانە اسكەري كولىكتەرگە قارسى باعىتتالعان. وسى ميننالاردى كورسەتەتىن كارتالاردى الۋ ءۇشىن ءازىربايجان تارابى 15 ارميان ازاماتىن ەلىنە قايتارعان.

بۇل ايىرباسقا تاعى دا رەسەيدىڭ ارا اعايىندىق ەتكەن. رەسمي مالىمدەمەدە ارميان ازاماتتارىنىڭ ەلىنە قايتارىلۋ پروتسەسىنە رەسەي تارابى باقىلاۋشىلىق ەتكەنى ايتىلعان.

ايتا كەتۋ كەرەك، تاۋلى قاراباق ءۇشىن سوعىستان كەيىن ءازىربايجان تارابى اگدام قالاسىنا كومىلگەن 97 مىڭنان استام مينالاردىڭ كارتاسىن الۋ ءۇشىن دە ارمەنياعا 15 ادامدى قايتارىپ بەرگەن ەدى.

“The Qazaq Times”