كابۋل حالىقارالىق اۋەجايىنداعى قاۋىپسىزدىك كۇشتەرىنىڭ تەحنيكالارى. فوتو: Wikipedia.

اۋعانستاندا «تاليبان» ۇيىمىنىڭ بەلسەندىلىگى بارعان سايىن ارتىپ، باقىلاۋعا العان ايماقتارى دا كەڭەيىپ كەلەدى. ناتو مەن اقش ەلدەن اسەر شىعارۋ پروتسەسىن جالعاستىرۋدا. وتكەن اپتا سوڭىندا پەنتاگون تاراتقان مالىمەتتە اۋعانستاندا 650 امەريكالىق ساربازدىڭ قالدىرىلاتىنى ءمالىم بولدى.

پەنتاگون مالىمەتىندە بۇل اسكەرلەر اۋعانستانداعى امەريكالىق ديپلوماتتاردى قورعاۋعا قالدىرىلعان. بۇدان تىس اقش پەن ناتو مۇشەلەرىنەن اۋعانستان قاۋىپسىزدىك كۇشتەرىن قولداۋعا، اسكەري كەڭەس بەرۋ مەن جاتتىعۋعا كومەك بەرەتىن قىزمەتكەرلەر بولادى.

قازىر كابۋل حالىقارالىق اۋەجايىن قورعاۋعا كوبىندە تۇركيالىق اسكەرلەر شوعىرلاندىرعان. وتكەن اپتادا اقش پەن تۇركيا اراسىندا كابۋل حالىقارالىق اۋەجايىن قورعاۋ بويىنشا اسكەري شەندىلەر اراسىندا كەلىسسوز ءوتتى.

پەنتاگون قىركۇيەككە دەيىن اقش اسكەرلەرى ەلدەن تولىق شەگىنىپ بولعانشا تۇرىك جاۋىنگەرلەرىنە قوسىمشا بىرنەشە ءجۇز امەريكالىق اسكەر ورنالاستىراتىنىن مالىمەدى.

“The Qazaq Times”