قازاقستاندا كوروناۆيرۋس جۇقتىرعاندار سانى كۇرت كوبەيدى. دەنساۋلىق ساقتاۋ مينيسترلىگىنىڭ رەسمي مالىمەتىنشە، ەلدە وتكەن تاۋلىكتە 1068 ادامنان كوروناۆيرۋس تابىلعان. بۇل ءبىر كۇن بۇرىنعى كورسەتكىشتەن شامامەن 350-گە كوپ. 14 ماۋسىمدا 757 ادام Covid-كە شالدىققان.
مينيسترلىك مالىمەتىنشە، وتكەن تاۋلىكتە استانادا – 294, قاراعاندى وبلىسىندا – 160, الماتىدا 112 ناۋقاس تىركەلدى. قالعان قالالار مەن وبلىستاردا انىقتالعان ناۋقاستار جۇزگە جەتپەيدى.
ەل استاناسى كوروناۆيرۋس بويىنشا "قىزىل ايماقتا" قالىپ وتىر. سەيسەنبى كۇنى دەنساۋلىق ساقتاۋ ءمينيسترى الەكسەي تسوي وتكەن اپتامەن سالىستىرعاندا استانادا ناۋقاستار 7 پايىزعا كوبەيدى دەپ مالىمدەگەن. قالعان قالالار مەن وبلىستار "سارى" جانە "جاسىل ايماقتا".
2020 جىلدىڭ ناۋرىز ايىنان بەرى ەلدە 404 064 ادامنىڭ كوروناۆيرۋس تەستى وڭ شىققان.
14 ماۋسىمدا تاعى 60 ادام كوروناۆيرۋس پنەۆمونياسىنا شالدىققان. ەلدە كوروناۆيرۋس پەن كوروناۆيرۋس پنەۆمونياسىنا شالدىققاندار بولەك ەسەپتەلەدى. بىراق حالىقارالىق ۇيىمداردىڭ سايتىندا ەكى كورسەتكىش بىرىكتىرىلگەن. 2020 جىلدىڭ 1 تامىزىنان بەرى ەلدە 56 276 ادام "پنەۆمونيامەن" اۋىرعان.
ىندەت باستالعالى بەرى 4195 ادام (14 ماۋسىمدا 15 ادام قايتىس بولعان) كوروناۆيرۋستان قايتىس بولعان. تاعى 3416 ادامنىڭ ولىمىنە كوروناۆيرۋس پنەۆمونياسى سەبەپ بولدى دەپ ايتىلادى. ودان بولەك، ىندەت باستالعالى بەرى شامامەن 2 مىڭ ادام كوروناۆيرۋستىڭ "جاناما اسەرىنەن" قايتىس بولعان. قازاقستاندا مۇنداي ادام ءولىمى كورسەتكىشى Covid ستاتيستيكاسىنا ەنگىزىلمەيدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟