ءازىربايجان شەكاراسىن كەسىپ وتكەن ارمەنيالىق اسكەرلەردى تۇتقىندادى. فوتو: BBC

تىنىشتىق كەلىسىمىنە كەلگەن ءازىربايجان مەن ارمەنيا قايتادان تىرەسۋدە. باكۋ تارابى ارمەنيانى ايىپتاپ مينا قويىپ جاتان جەرىنەن 6 ارميان اسكەرىن تۇتقىنداعانىن العا تارتتى. بىراق، ەرەۆان تارابى اسكەرلەرىن اقتاپ، ءوز شەكاراسى ماڭىندا بارلاۋ جۇمىستارىن جۇرگىزىپ جاتان دەپ مالىمدەدى. 

ءازىربايجان قورعانىس مينيسترلىگى تاراتقان حاباردا، "27 مامىر تاڭعى ساعات 03:00 شاماسىندا ارمەنيانىڭ قارۋلى كۇشتەرىنىنىڭ ديۆەرسيالىق بارلاۋ توبى شەكارانى بۇزىپ وتكپەك بولدى. 6 ارميان اسكەرى ازىربايجاندىق اسكەري تۇراقتارعا باراتىن جولعا مينا قويۋعا ارەكەت ەتتى" دەلىنگەن. مالىمەتكە قاراعاندا بۇل وقيعا كەلباجار وڭىرىندە بولعان جانە ءازىربايجان اسەرلەرى جاعىنان قورشاۋعا الىنىپ، تۇتقىندالعان.

بۇدان كەيىن جاسالعان ارمەنيا قورعانىس مينيسترلىگى تاراتقان مالىمدەمەدە 6 اسكەر وزدەرىنە قاراستى اۋماقتا ينجەنەرلىك بارلاۋ ىستەرىمەن اينالىسىپ جۇرگەن جەرىنەن ءازىربايجان تارابىنان تۇتقىندالعانى ايتىلدى.

بىراق، كوپ وتپەي ارمەنيا پرەمەر-ءمينيسترىنىڭ قىزمەتىن اتقارۋشى نيكول پاشينيان اسكەرلەردىڭ مينا قويىپ جاتقانىن راستادى، بىراق ديۆەرسيا تۋرالى ايىپتاۋلاردى جوققا شىعاردى.

وسىدان كەيىن ەكى ەلدىڭ سىرتقى ىستەر مينيسترلىكتەرىنىڭ "قايىم ايتىسى" باستالى. ءازىربايجان التى اسكەردىڭ شەكارانى كەسىپ ءوتۋ ارەكەتىمەن ارمەنيا بىلتىرعى ءۇشتارپتى تىنىشتىق كەلىسىمىن بۇزدى دەپ ايىپتادى.

“The Qazaq Times”