فوتو: اشىق دەرەككوز

ەۋروپالىق وداق AstraZeneca كومپانياسىمەن سوتتاسىپ جاتىر.

ەۋروكوميسسيا بىرلەستىكتىڭ ۇستىنەن ۆاكتسينانى ۋاقتىلى جەتكىزە المايتىنىنا بايلانىستى ساۋىردە شاعىم تۇسىرگەن. بۇعان AstraZeneca باسشىلىعىنىڭ كەلىسىمشارت بويىنشا قاراستىرىلعان 300 ميلليون دوزا ەكپەنىڭ ۇشتەن ءبىر بولىگىن تەك ماۋسىم ايىندا جەتكىزەتىنىن حابارلاۋى سەبەپ بولدى.

رەسمي بريۋسسەل وسى مەزگىلگە قاراي شارت بويىنشا قاراستىرىلعان پرەپاراتتىڭ 120 ميلليون دوزاسىن جەتكىزۋدى تالاپ ەتىپ وتىر. ەۋروكوميسسيا زاڭگەرلەرى سوتتان ەگەر كومپانيا بۇل شارتتى ورىنداماسا، ءار كەشىكتىرىلگەن كۇن سايىن دوزاسىنا 10 ەۋرودان تولەۋدى سۇراۋدا جانە كەلىسىمدى ساقتاماعانى ءۇشىن 10 ميلليون ەۋرو ايىپپۇل تولەۋى كەرەك دەيدى.

قازىر ەۋرووداق ەلدەرىندە جالپىۇلتتىق ۆاكتسينا ناۋقانى جوسپارداعىداي ورىندالىپ جاتقان جوق. سەبەبى، AstraZeneca-دان بولەك كوروناۆيرۋسقا قارسى ەكپەنى جەتكىزۋ جۇمىستارىن BioNTech/Pfizer جانە Moderna كومپانيالارى دا كەشىكتىرىپ وتىر. AstraZeneca بيىل ءبىرىنشى توقساندا پرەپاراتتىڭ 100 ميلليون دوزانىڭ ورنىنا 30 ميلليون دوزاسىن جىبەرگەن. كومپانيا مۇنى تومەن ءوندىرىس كولەمىمەن تۇسىندىرەدى.

بۇعان دەيىن ەۋروپا ەلدەرى اتالعان ەكپەنى ساتىپ الۋدان باس تارقان. سەبەبى «پرەپاراتتىڭ قان اينالىمىن ناشارلاتىپ، ترومبىلاردىڭ تۇزىلۋىنە ىقپال ەتەدى» دەگەن بولجامدار ايتىلدى.

"The Qazaq Times"