الماتى قالاسىنىڭ قوعامدىق دەنساۋلىق ساقتاۋ باسقارماسى «كوروناۆيرۋسقا قارسى ۆاكتسينا سالدىرعاننانەكپە العاننان كەيىن» قايتىس بولعان تۇرعىنىڭ ولىمىنە قاتىستى تۇسىنىكتەمە بەردى. باسقارما پىكىرىن جاريالاعان Tengrinews سايتىنىڭ حابارلاۋىنشا، پروتسەدۋرا تۇگەل حاتتاما نەگىزىندە جۇرگىزىلگەن.
باسقارما مالىمدەمەسىنە سايكەس، 42 جاستاعى باقىتجان نۇرتازين ۆاكتسينانىڭ العاشقى دوزاسىن 12 ساۋىردە، ەكىنشىسىن مامىر ايىنىڭ باسىندا سالدىرعان.
«21 كۇننەن سوڭ ول ۆاكتسينانىڭ ەكىنشى كومپونەنتىن الدى. دارىگەرلەر جاعدايىنىڭ قاناعاتتاندىرارلىق دەڭگەيدە، ورتاشا بولعانىن ايتادى. جارتى ساعات باقىلاۋدا بولىپ، پروتسەدۋرادان كەيىن نۇرتازين ۇيىنە قايتىپ كەتتى. جاعدايى ۇيىندە ناشارلاعان. جەدەل جاردەم كەلگەنگە دەيىن قايتىس بولعان»، – دەلىنگەن ۆەدومستۆو حابارلاماسىندا.
وسىعان دەيىن مارقۇمنىڭ تۋىستارى قازاعا «دارىگەرلەر سالعىرتتىعىن» كىنالاعان ەدى.
«الدىن الا اقپاراتقا سايكەس، جۇرەك-قانتامىر جۇيەسى جەتىسپەۋشىلىگىنەن قايتىس بولعان. سەبەبىن انىقتاۋ ءۇشىن تەرگەۋ جۇرگىزىلىپ جاتىر، سوت-مەديتسينالىق ساراپتاما باستالدى. ناتيجەسى قوسىمشا حابارلانادى، ناقتى دياگنوزى گيستولوگيالىق زەرتتەۋدەن كەيىن انىقتالادى» دەدى دارىگەرلەر.
ولار ازاتتىق راديوسىنا بەرگەن سۇحباتىندا باقىتجان نۇرتازينگە ۆاكتسينا سالعاننان كەيىن دارىگەرلەردىڭ ونى حاتتاماعا سايكەس، پۋنكتىدە جارتى ساعات باقىلاۋدا ۇستاماعانىن ايتقان. «ول ۇيگە كەلگەننەن كەيىن لوقسىپ قۇسا بەرگەن. قان قىسىمى جوعارى بولعان. جەدەل جاردەم كولىگى دە كەشىگىپ جەتكەن». ءنۇرتازيننىڭ ءولىمى تۋرالى كۋالىكتە «جۇرەك تالماسىنان قايتىس بولدى» دەلىنگەن، تۋىستارى مۇنى تەرىستەيدى.
ءبىر اي بۇرىن 7 ساۋىردە دە الماتىداعى №4 پەرزەنتحانانىڭ مەدقىزمەتكەرى كوروناۆيرۋسقا قارسى ۆاكتسينا سالدىرعاننان كەيىن ءبىر كۇن وتكەن سوڭ قايتىس بولعانى حابارلانعان ەدى. قوعامدى ەلەڭ ەتكىزگەن جاعدايدان كەيىن دەرەۋ تەكسەرۋ جۇرگىزەتىن كوميسسيا قۇرىلدى. تۋىستارىنىڭ ايتۋىنشا، مەدبيكە ۆاكتسينا الدىرعان كۇنى تۇنىمەن قالتىراپ شىققان، تاڭعا تاياۋ كوز جۇمعان. دەسە دە كوميسسيا قورىتىندىسىنان بۇرىن دەنساۋلىق ساقتاۋ ۆيتسە-ءمينيسترى اجار عينيات مارقۇم ەكپە العاننان كەيىن «ەكى كۇن وتكەن سوڭ، ۇيىندە قۇلاپ، قايتىس بولدى، الدىن الا مالىمەت بويىنشا جۇرەكتىڭ يشەميالىق اۋرۋىنان قايتىس بولدى» دەگەن. ازىرگە بۇل جاعدايعا بايلانىستى سوت-مەديتسينالىق ساراپتاما جۇرگىزىلىپ جاتىر.
مينيسترلىك مالىمەتىنشە, 1 اقپان مەن 5 مامىر ارالىعىندا ەكپەنىڭ ءبىرىنشى دوزاسىن العان 1 ملن 487 ادامنىڭ شامامەن 300-دەيى اۋىرعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟