سولتۇستىك كورەيا  بۇگىن پحەنياندا وتكەن اسكەري شەرۋدە العاش رەت سۇڭگۋىر قايىقتارعا ارنالعان بالليستيكالىق زىمىراندارىن جۇرتشىلىق نازارىنا ۇسىندى - دەپ حابارلايدى رەيتەر اگەنتتىگى.

اگەنتتىكتىڭ ايتۋىنشا برپل پۋككىكسون-2 بالليستيكالىق زىمىراندارى اسكەري شەرۋدە  سولتۇستىك كورەيا باسشىسى  كيم چەن ىنعا تانىستىرىلعان.

سولتۇستىك كورەيا ۇكىمەتى بيىل پحەنيانداعى اسكەري شەرۋگە شەت ەلدىك 200 ءجۋرناليستتى شاقىرعانىن ەسكەرسەك. كيم چەن ىن اقش-قا، جالپى الەمگە ءوزىنىڭ بار كۇش قۋاتىن كورسەتىپ، سولتۇستىك كورەيا  ليۆيا نەمەسە يراكتاي ءالسىز ەمەس ەكەندىگىن مەڭزەگەندەي سىڭاي تانىتتى.

بۇدان ءسال ەرتەرەكتە اقش-تىڭ «كارل ۆينسون» ۇشاق تاسمالداعىش كەمەسى باستاعان اسكەري تەڭىز كۇشتەرى، سولتۇستىك كورەيا تەڭىز ايماعىنىڭ شەكاراسىنا كەلىپ تۇراقتاعان بولاتىن. ال دونالد ترامپ، سولتۇستىك كورەيانى يادرولىق زىمىراندارىنىڭ سانى جىل ساناپ ارتىپ كەلە جاتقانىن ايتىپ، كەرەك بولسا اقش كيم چەن ىن ۇكىمەتىمەن ءبىر ءوزى ۇرىس جۇرگىزۋگە دايىن ەكەندىگىن ايتقان بولاتىن.

“The Qazaq Times”