اقش اۋعانستانعا جويقىن بومبا تاستادى

اقش اۋعانستانداعى «يسلام مەملەكەتى» سودىرلارى جاسىرىنعان جەر استى تۋنەلدەرىنە بومبا تاستادى.

پەنتاگون ءوزىنىڭ ارسەنالىنداعى ەڭ كۇشتى، سالماعى 10 توننالىق GBU-43 بومباسىن اۋعانستانداعى «يسلام مەملەكەتىنە» قارسى قولدانعان. GBU-43 بومباسى ەڭ العاش 2003 جىلى سىناقتان وتكەن ەدى.

اقش اسكەرىنىڭ اۋعانستان اۋماعىنداعى قولباسشىسى گەنەرال دجون نيكولسون: «لاڭكەستەر تاراپىنان ادام شىعىنى وتە كوپ. ولار قازىر ءوز يەلىكتەرىندەگى اۋماقتاردى ۇستاپ قالۋ ءۇشىن، قولدان جاسالعان بومبالارمەن جەر استى جولدارىن، بۋنكەرلەردى، تۋنەلدەردى پايدالانۋدا» - دەدى.

اقش اسكەرى GBU-43 بومباسىن  Hercules مس-130 ۇشاعىمەن تاستاعان. GBU-43 بومباسى  سالماعى 10 توننا بولسادا، GPS ارقىلى باسقارىلاتىن بومبالاردىڭ ساناتىنا جاتادى.

ۆيدەودا GBU-43 بومباسىنىڭ   سىناقتان وتكىزۋ ءساتى بەينەلەنگەن.

دونالد ترامپتىڭ ءسۇريا مەن اۋعانستاندى بومبىلاۋىن كەيبىر شەت ەلدىك ساراپشىلار رەسەي مەن قىتايعا سەس كورسەتۋ دەپ باعالاۋدا. ال پەنتوگوننىڭ ءوزى، «يسلام مەملەكەتى» لاڭكەستىك ۇيىمى الەمنىڭ قاي تۇكپىرىندە بولسا دا، اقش اسكەرى تەرروريزممەن كەز كەلگەن جەردە كۇرەسۋگە دايىن ەكەندىگىن كورسەتىپ جاتقاندىعىن العا تارتادى.

“The Qazaq Times”