جاتتىعۋعا 100 تانك پەن ساۋتتى اۆتو كولىكتەر تارتىلماق. فوتو: Al Jazira

بۇگىن، 15 ناۋرىز كۇنى ءازىربايجان قورعانىس كۇشتەرى اۋقىمدى جاڭا اسكەري وقۋ-جاتتىعۋ باستاماق. تاۋلى ايماقتارداعى اسكەري وپەراتسيالارعا ارنالعان جاتتىعۋعا 10 مىڭ قارۋلى كۇش قاتىسادى.

ءازىربايجان قورعانىس مينيسترلىگىنىڭ رەسمي پاراقشاسىندا حابارلانۋىنشا، اۋقىمدى اسكەري شاراعا 100-گە جۋىق تانك پەن ساۋتتى كولىكتەر تارتىلعان. بۇدان تىس زىمىران جانە ارتيللەريادان 200 ءتۇرى سىنالماق. سونداي-اق، اۋە كۇشتەرىنەن 30-دان استام اسكەري ۇشاق پەن تىكۇشاقتار تارتىلعان.

18 ناۋرىزعا دەيىن جالعاساتىن جاتتىعۋعا تاۋلى قاراباق سوعىسىندا نەگىزگى ءرول ويناعان ۇشقىشسىز ۇشۋ قۇرىلعىلارى دا قاتىستىرىلادى. قارۋلى كۇشتەرىدىڭ تاۋلى ايماقتاعى قورعانىس قۋاتىن جاقسارتۋ ماقساتىنداعى اسكەري جاتتىعۋدى پرەزيدەنت يلحام اليەۆ ارنايى بەكىتكەن.

“The Qazaq Times”