BASE JUMPING – بيىك تاۋلاردان، قۇزداردان، جارتاستاردان سەكىرەتىن ەكسترەمالدى پاراشيۋت سپورتىنىڭ ءبىر ءتۇرى. بەيسدجامپينگتە ارنايى جابدىقتالعان 40 مەتر جانە ودان دا تومەن بيىكتىكتەردە اشىلاتىن پاراشيۋتتەر مەن ەركىن قۇلاۋدىڭ ۋاقىتىن ۇزارتىپ جانە بەلگىلى ءبىر باعىتقا بۇرىپ، قايتا كوتەرىلۋگە  ارنالعان قانات  قولدانىلادى. بۇل ەكستريمالدى سپورت ءتۇرىن ويلاپ تاپقان – كينورەجيسسەر كارل بوەنيشا مەن ايەلى دجينا بولاتىن. ال ادامزات تاريحىنداعى العاشقى بەيسدجامپەرلەر - فيل سميتت پەن فيل مەيفيلد.

1978 جىلى بۇل سپورت ءتۇرى پاراشيۋتشى-كاسكادەرلەر ورىندايتىن تريۋك رەتىندە قاراستىرىلعان. بۇگىندە ەكسترەمالدى سپورت رەتىندە تانىلىپ الەمدە كوپتەگەن جانكۇيەرلەردىڭ قىزىعۋشىلىعى ارتىپ كەلەدى. سونىمەن قاتار كوماندالىق تۇرلەرى دە پايدا بولدى. اۋادا ەركىن قۇلاۋ كوبىنە ەكشن فيلمدەردە كوپ قولدانىلادى. مىسالى، ححح پەن لارا كروفت سەكىلدى فيلمدەردە وسى سپورتتىڭ ەلەمەنتتەرى كوپتەپ قولدانىلعان.

BASE JUMPING قاۋىپتىلىك دەڭگەيى ادامنىڭ دايىندىعىنا تىكەلەي بايلانىستى. بۇل تەك فيزيكالىق دايىندىقپەن شەكتەلمەۋى ءتيىس، پسيحولوگيالىق جانە اەروديناميكا، ارا رايى مەن اتموسفەرا قىسىمىن ەسكەرە وتىرىپ پاراشيۋتتىڭ اشىلۋى مەن ونى رەتتەپ ورنالاستىرۋدان باستاپ ءاربىر ۇساق-تۇيەك ەسكەرىلەدى.

بۇل سپورتتىڭ باسقالارعا قاراعانداعى ەرەكشەلىگى جانە قاۋىپتىلىگى – تەك ءبىر عانا پاراشيۋت بولاتىندىعىندا، ياعني ول اشىلماي قالسا، باسقا سەنەتىن ەشنارسە جوق دەگەن ءسوز.

“The Qazaq Times”