فوتو: tengrinews.kz

جابىلىپ قالعان «Tengri Bank» ديرەكتورلار كەڭەسىنىڭ بۇرىنعى توراعاسى ەرجان شايكەنوۆ ۇستالدى.

ەرجان شايكەنوۆ باسقارما توراعاسى لاۋازىمىن 2019 جىلعى ماۋسىمنان باستاپ 2020 جىلعى مامىرعا دەيىن اتقارعان. بىلتىر شىلدەدەن باستاپ ديرەكتورلار كەڭەسىنىڭ توراعاسى قىزمەتىن اتقارعان.

بانك توراعاسىنىڭ بۇرىنعى ورىنباسارى باقتيار ءىلياسوۆ پەن الماتى فيليالىنداعى ديرەكتورىنىڭ بۇرىنعى ورىنباسارى اسەت جادىقوۆ 5,4 ملرد تەڭگەدەن استام قارجى جىمقىردى دەگەن كۇدىككە ىلىنگەن. ولار قاراشادا قاماۋعا الىندى.

بيىل اقپاندا سوتقا دەيىنگى تەرگەۋ اياسىندا «Tengri Bank» اق اكىمشىلىك-شارۋاشىلىق دەپارتامەنتىنىڭ بۇرىنعى ديرەكتورى الماس باقىتوۆ پەن ونىڭ باقىلاۋىنداعى كومپانيالاردىڭ ءبىرىنىڭ باسشىسى توعجان راحمەتوۆاعا ىزدەۋ جاريالانعانى بەلگىلى بولدى.

«Tengri Bank» 2020 جىلدىڭ 18 قىركۇيەگىندە ليتسەنزياسىنان ايىرىلدى. قارجى نارىعىن رەتتەۋ جانە دامىتۋ اگەنتتىگى بانكتىڭ پرۋدەنتسيالىق نورماتيۆتەردى جانە باسقا دا ساقتالۋى مىندەتتى نورمالار مەن ليميتتەردى جۇيەلى تۇردە بۇزعانىن، قوسىمشا كاپيتالداندىرۋ جونىندەگى تالاپتاردى ورىنداماعانىن حابارلادى.

"The Qazaq Times"