تۇركيا جاڭا زىمىران سىناعىن ءساتتى وتكىزگەنىن مالىمدەدى. فوتو: تقم.

تۇركيا قورعانىس مينيسترلىگى «اتمادجا» اتتى جاقىن قاشىقتىققا ارنالعان جاڭا زىمىراندى ءساتتى سىناقتان وتكىزگەنىن مالىمدەدى. تۇرىك قورعانىس مينيسترلىگى بۇل تۋرالى وزدەرىنىڭ الەۋمەتتىك جەلىدەگى پاراقشاسىندا ءبىلدىردى.

تۇرىكتىڭ وتاندىق اسكەري ءوندىرىسى وندىرگەن جاڭا زىمىران سۋ ۇستىندەگى ۇرىستارعا ارنالعان، كەمەنى قورعاۋ جانە نىساندى جويۋ وپەراتسيالارىن ورىندايدى. «اتمادجا» زىمىران سىناعىن تۇرىك اسكەري-تەڭىز كۇشتەرىنە تيەسىلى «قىنالادا» اتتى اسكەري كەمەسى جۇزەگە اسىرعان.

تۇرىك قارۋلى كۇشتەرى رەسمي پاراقشاسىندا زىمىران سىناعىنىڭ ۆيدەو جانە فوتو دالەلدەرىن دە جاريا ەتكەن. رەسمي مالىمدەمەدە، «اتمادجا» تۇرىك تەڭىز كۇشتەرىنىڭ قۋاتىن ارتتىرا تۇسەتىنىن ايتقان.

“The Qazaq Times”