الەم بويىنشا ءولىم جازاسىنا كەسىلگەندەردىڭ سانى ازايدى - دەپ جازادى bbc.com سايتى Amnesty International حالىقارالىق قۇقىق قورعاۋ ۇيىمىنا سىلتەمە جاساپ.

2015 جىلى الەم بويىنشا 1634 ادامعا ءولى جازاسى قولدانىلسا، 2016 جىلى بۇل كورسەتكىش  1032 ادامعا ازايعان. بىراق بۇل كورسەتكىشتەرگە قىتاي ەلى كىرمەگەن. ويتكەنى قىتايداعى ءولىم جازاسىنا كەسىلگەن ادامدار سانى قانشا ەكەنىن ءبىلۋ مۇمكىن بولماعان.

ءولىم جازاسى كوپ قولدانىلاتىن ەلدەردىڭ كوشىن  قىتاي،  يران (567 ادام), ساۋد ارابياسى (154 ادام), يراك (88 ادام), پاكىستان (87 ادام) باستاپ تۇر.

ال ورتالىق ازيا مەن ەۋروپادا قازاقستان مەن بەلورۋسسيادا عانا ءولىم جازاسىنا رۇقسات ەتىلگەن. بىراق قازاقستاندا قازىر ءولىم جازاسىن ومىرلىك باس بوستاندىعىنان ايىرۋعا الماستىرعان. بەلورۋسسيادا سوڭعى رەت ءولىم جازاسى 2016 جىلدىڭ ءساۋىر ايىندا جاسالعان.

قازىرگى ۋاقىتتا 104 ەلدە ءولىم جازاسى الىنىپ تاستالعان. ال 1997 جىلى 64 ەل عانا ءولىم جازاسىنان باس تارتقان بولاتىن.

“The Qazaq Times”