گەرمانيادا حالىقتى كوروناۆيرۋسقا قارسى جاپپاي ۆاكتسيناتسيالاۋعا دايىندىق ءجۇرىپ جاتىر. كەلەسى جىلدىڭ كۇزىنە دەيىن حالىقتىڭ 60%-ىنا ۆيرۋسقا قارسى ەكپە ەگۋ جوسپارلانعان.
ءبىر اپتا ىشىندە ەلدە ازاماتتاردى ەگۋ ورتالىقتارى اشىلعان. كەلن قالاسىنداعى ساۋدا زالدارى كۇنىنە 5 مىڭ ادامدى قابىلداۋعا ازىرلەنگەن.
وسىعان دەيىن گەرمانيادا مۇنداي 440 ورىن قۇرىلىپ، 10 مىڭنان اسا دارىگەر جۇمىلدىرىلعان. سوڭعى ۋاقىتتا مۇندا كەيس سانى ارتقاندىقتان، بيلىك ەلدە شەكتەۋلەردى قاتاڭداتۋ تۋرالى شەشىم قابىلداعان.
الەم بويىنشا سىناقتان ءساتتى وتكەن Pfizer, BioNTech فارماتسەۆتيكالىق كومپانياسى جاساعان ەكپە جانە امەريكالىق مoderna ەكپەسىن سالۋدى باستاعان ەلدەر قاتارىندا ۇلىبريتانيا، اقش جانە كانادا بار. كوروناۆيرۋسقا توسقاۋىل بولۋ ماقساتىندا بۇگىن كانادادا ۆاكتسيناتسيا باستالدى. ۆيرۋسقا قارسى ەكپەگە ءبىرىنشى بولىپ ۇلىبريتانيا بيلىگى رۇقسات بەردى.
9 جەلتوقساندا بريتانيادا Pfizer كومپانياسى وندىرگەن ۆاكتسينانى العاشقى بولىپ 90 جاستاعى مارگارەت كينان ەسىمدى بريتاندىق ايەل قابىلدادى. ەلدىڭ دەنساۋلىق ساقتاۋ ءمينيسترى مەتت حانكوكتىڭ ايتۋىنشا، ەكپەنىڭ 40 ميلليون دوزاسىنا تاپسىرىس بەرىلگەن.
امەريكالىق Pfizer جانە ونىڭ گەرمانيالىق سەرىكتەسى BioNTech كومپانياسى بىرلەسىپ ازىرلەگەن ۆاكتسينانىڭ تيىمدىلىگى كلينيكالىق سىناقتا 90%-دان استام وڭ ناتيجە كورسەتكەن. ال وسكفورد ۋنيۆەرسيتەتى مەن AstraZeneca كومپانياسى وندىرگەن كوروناۆيرۋسقا قارسى ۆاكتسينا 70% تيىمدىلىك كورسەتتى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
ەكس-مينيستر ايەلىن ساباپ ءولتىردى دەگەن كۇدىكپەن ۇستالدى