سولتۇستىك كورەيا سىرتقى ىستەر ءمينيسترى  وكىلى ورتالىق تەلەگراف اگەنتتىگىنەن  «اقش-تىڭ كەز كەلگەن ارانداتۋ ارەكەتىنە جاۋاپ بەرۋگە دايىنبىز» - دەپ حابارلادى.

«اقش – تىڭ سولتۇستىك كورەيا  تەڭىز ايماعىنا كارل ۆينسون ۇشاق تاسمالداعىش كەمەسىن جىبەرۋى، ارانداتۋدىڭ ەڭ سوڭعى بەلگىسى. ەگەردە اقش قانداي دا ءبىر اسكەري ارەكەتتتەرگە كوشەتىن بولسا، سولتۇستىك كورەيا كەز كەلگەن ارەكەتكە جاۋاپ بەرۋگە دايىن، ءارى قاۋقارلى» - دەدى سولتۇستىك كورەيا ءسىم وكىلى.

بۇدان ءسال ەرتەرەكتە اقش – تىڭ اسكەري تەڭىز كۇشتەرى كارل ۆينسون ۇشاق تاسمالداعىش كەمەسىمەن بىرگە سولتۇستىك كورەيا تەڭىز ايماعىنا بارادى - دەپ حابارلانعان بولاتىن.

جەكسەنبى كۇنى اقش پرەزيدەنتىنىڭ ۇلتتىق قاۋىپسىزدىك جونىندەگى كومەكشىسى گەربەرت ماكماستەر بۇل شەشىمنىڭ دۇرىس ەكەندىگىن ايتىپ، سولتۇستىك كورەياداعى اتوم بومبالارىنىڭ سانىنىڭ ارتىپ بارا جاتقانىن العا تارتىپ، وسىنداي قادامعا بارعاندارىن تۇسىندىرگەن. ءوز كەزەگىندە دونالد ترامپتا  اقش اسكەريلەرىنە بۇل تاپسىرمانى ورىنداۋ بارىسىندا كەز كەلگەن اسكەري ارەكەتكە دايىن بولۋلارىن سۇراعان.

“The Qazaq Times”