نيككي حەيلي: اقش اسادتى بيلىكتەن تايدىرعىسى كەلەدى

سءۇرياداعى ءۇكىمەتتى اۋىستىرۋ - قۇراما شتاتتاردىڭ سىرتقى ساياساتتاعى باستى جوسپارلارىنىڭ بىرىنە اينالدى، دەپ مءالىمدەدى اقش-تىڭ بۇۇ-داعى تۇراقتى ءوكىلى نيككي حەيلي.

سي-ەن-ەن تەلەارناسىنا سۇحبات بەرگەن حەيلي كوپتەگەن ەلدەردە تىيىم سالىنعان "يسلام مەملەكەتى" ەكسترەميستىك ۇيىمىمەن كۇرەسۋ - باستى ماقسات بولىپ قالا بەرەتىنىن، بىراق باشار اساد بيلىكتە وتىرعاندا، سۇرياداعى جانجالدى رەتتەۋ مۇمكىن ەمەستىگىن اتاپ ءوتتى.

7 ءساۋىر ءتۇنى اقش سۇريالىق ۇكىمەت كۇشتەرىنىڭ اۆيابازالارىنا سوققى جاساپ، يدليب پروۆينتسياسىنداعى حيميالىق شابۋىلعا وسىلايشا جاۋاپ بەردى. 9 ساۋىردە رەسەي جانە يران پرەزيدەنتتەرى ۆلاديمير پۋتين مەن حاسان رۋحاني تەلەفونمەن سويلەسىپ، اقش-تىڭ بۇل ارەكەتىن سىنادى.

“The Qazaq Times”