رەسەي مەن تۇركيا اراسىندا تاۋلى قاراباقتاعى اتىستى توقتاتۋ رەجيمىن باقىلاۋ جانە قاداعالاۋ كەلىسىمىنە قول قويدى. بۇل تۋرالى تۇركيا پرەزيدەنتى رەجەپ تايىپ ەردوعان مالىمدەدى. 

"سپۋتنيك ءازىربايجان" تاراتقان مالىمەتكە قاراعاندا، كەلىسىم بويىنشا ارمەنيا تارابى 15 قاراشاعا دەيىن كەلباجاردى، 20 قاراشاعا دەيىن اعدامدى، ال 1 جەلتوقسانعا دەيىن لاچين ايماعىنان اسكەرلەرىن شىعارىپ، ازىربايجانعا قايتارىپ بەرۋى ءتيىس.

پرەزيدەنت ەردوعان مالىمدەمەسىندە تاۋلى قاراباقتىڭ قالعان بولىگى دە ازىربايجانعا تيەسىلى ەكەنىن باسا ايتتى. "بۇگىن تاڭەرتەڭ تاۋلى قاراباقتاعى اتىستى توقتاتۋ رەجيمىن باقىلاۋ بويىنشا تۇرىك-ورىس بىرلەسكەن ورتالىعىن قۇرۋ بويىنشا حاتتاماعا قول قويىلدى", – دەگەن ەردوعان سوزىندە.

ونىڭ ايتۋىنشا تۇرىك-ورىس ورتاسىندا قۇرىلعان ورتالىق اتىس توقتاتۋ كەلىسىمىنىڭ بۇزىلۋىنا جول بەرمەۋ ءۇشىن بارلىق قادامداردى جاسايدى.

“The Qazaq Times”