قىرعىزستان پرەمەر-ءمينيسترى كۋباتبەك بورونوۆ وتستاۆكاعا كەتىپ، ونىڭ ورنىنا كەشە بوستاندىققا شىققان ساياساتكەر سادىر جاپاروۆ ۇسىنىلدى. جاپاروۆتى سايلاۋ ناتيجەلەرىنە قارسى ميتينگكە شىققان جۇرت پرەمەر-مينيسترلىككە ۇسىنىپ وتىر. بۇل تۋرالى جوگوركۋ كەنەشتىڭ جاڭا سپيكەرى كەنەش ابدىلداەۆ حابارلادى.
بۇعان دەيىن پارلامەنت سپيكەرى داستانبەك دجۋمابەكوۆتىڭ دە وتستاۆكاعا كەتكەن. ۆۆس مالىمەتىنشە، بۇل اقپارات دوستىق قوناق ۇيىندە ءوتىپ جاتقان جوعارعى كەڭەستىڭ شۇعىل وتىرىسىندا ايتىلعان. ازىرگە بيلىك وكىلدەرى بۇل اقپاردى رەسمي تۇردە راستاعان جوق.
بىشكەكتەگى قاقتىعىستار 5 قازاندا پارلامەنتتىك سايلاۋدىڭ الدىن الا قورىتىندىلارى جاريالانعاننان كەيىن باستالدى. دەمونسترانتتار قايتا سايلاۋ وتكىزۋدى تالاپ ەتىپ، بىشكەك ورتالىعىنا جينالدى. مانيفەستانتتاردى تاراتۋ ءۇشىن ميليتسيا سۋاتقىشتاردى، كوزدەن جاس اعىزاتىن گازدى جانە جارىق شۋىلى گراناتالارىن قولدانۋدا. قاقتىعىس سالدارىنان 600-دەن استام ادام زارداپ شەككەن.
شەرۋ كەزىندە نارازىلار پارلامەنت عيماراتىنا باسىپ كىرىپ، پرەزيدەنت كابينەتىنىڭ تاس تالقانىن شىعارىپ، ءورت قويدى. تاعى ءبىر توپ ۇلتتىق قاۋىپسىزدىك مەملەكەتتىك كوميتەتىنىڭ عيماراتىن باسىپ الىپ، وسى كوميتەتتىڭ اباقتىسىنان ەلدىڭ بۇرىنعى پرەزيدەنتى المازبەك اتامباەۆ بوساتىلدى. سونداي-اق بۇرىنعى پرەمەر-مينيستر ساپار يساكوۆ پەن ساياساتكەر سادىر جاپاروۆ تا بوستاندىققا شىققانى بەلگىلى بولدى.
قىرعىزستانداعى جاعدايدى ءجىتى باقىلاۋدا ۇستاپ وتىرعان ەۋرووداق قىرعىز ساياسي بىرلەستىكتەرىن شيەلەنىستى بەيبىت تۇردە شەشىپ، ءادىل سايلاۋ وتكىزۋگە شاقىردى.
قىرعىزستان وسك-ءنىڭ 4 قازان كۇنى وتكەن پارلامەنت سايلاۋى تۋرالى بولجالدى ەسەبىنە سايكەس، جەتى پايىزدان جوعارى داۋى جيناعان ءتورت پارتيا پارلامەنت بوساعاسىنان وتكەن. ولار: «بيريمديك» پارتياسى – 24,5%، «مەكەنيم كىرگىزستان» – 23,9%، «كىرگىزستان» – 8,7%، «ءبۇتۇن كىرگىزستان» – 7,09% داۋىس جيعان. وسك-ءنىڭ مالىمەتىنە قاراعاندا، قىرعىزستانداعى سايلاۋعا 43 ەل مەن 33 حالىقارالىق ۇيىمنان كەلگەن 277 باقىلاۋشى قاتىسقان. 150-دەن استام وكىلى بار تمد ەلدەرىنىڭ باقىلاۋشىلارى ادەتتەگىدەي ءبارى «اشىق تا ءادىل ءوتتى» دەپ باعالاعان. الايدا حالىق سايلاۋدىڭ ءادىل وتپەگەنىنە نارازى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟