كورنەكى سۋرەت. فوتو: zn.ua

1 تامىزدان باستاپ قازاقستان ۇكىمەتى جاڭارتىلعان فورماتتاعى ستاتيستيكانى قولعا الىپ، 256 مىڭ پنەۆمونيا دەرەگىن ەسكەرمەستەن جاڭادان ەسەپتەۋدى باستاعان.

40 كۇنگە تارتا مەرزىمدە كوروناۆيرۋس پنەۆمونياسىنا شالدىققان 28 228 ادامنىڭ نەبارى 6546-سى عانا ايىققان. كۆي- نەمەسە U07.2 كودىمەن بەلگىلەنەتىن دەرتكە شالدىققانداردىڭ جازىلۋى باياۋلادى. مينيسترلىك مۇنىڭ سەبەبىن، ناۋقاستاردىڭ احۋالى مەن ەمدەۋ ءادىسىنىڭ تيىمدىلىگى تۋرالى جاق اشپاي كەلەدى.

كۇنى كەشە، 8 قىركۇيەك ەلدە 450 ادامنان كوروناۆيرۋس پنەۆمونياسى انىقتالىپ، ءبىر ناۋقاس قايتىس بولعان. قايتقانداردىڭ جالپى جيىنى – 316.

ايماقتار

1 تامىز-7 قىركۇيەك

شقو

 3 690
استانا

3 212

قوستاناي وبلىسى

 2 748
الماتى ق.

2 612

قاراعاندى وبلىسى

 1 965
پاۆلودار وبلىسى

1 715

جامبىل وبلىسى

 1 669
الماتى وبلىسى

1 393

اتىراۋ وبلىسى

 1 346
تۇركىستان وبلىسى

1 223

اقتوبە وبلىسى

 1 037
سقو

1 000

قىزىلوردا وبلىسى

 897
بقو

892

اقمولا وبلىسى

 866
ماڭعىستاۋ وبلىسى

857

شىمكەنت

 639
رەسپۋبليكا بويىنشا

27 762

قازاقستان كوروناۆيرۋس پنەۆمونياسىن كوپتەگەن ەلدەردىڭ ۇلگىسىنەن باسقاشا، ياعني كوروناۆيرۋستان بولەك ەسەپتەپ كەلەدى. مينيسترلىكتىڭ رەسمي وكىلى باعدات قوجاحمەتوۆ بۇعان «كالكۋلياتوردىڭ كومەگىمەن ەسەپتەۋگە» كەڭەس بەرەدى. دەنمين كوروناۆيرۋس پنەۆمونياسى تۋرالى اقپاراتقا كەلگەندە جابىق. كوروناۆيرۋس سياقتى كۇندە ايماقتىق ءبولىنىسى، ناۋقاستاردىڭ جاسى مەن جىنىسى، دەنساۋلىق جاعدايى، قايتىس بولعانداردىڭ الەۋمەتتىك سيپاتى تۇراقتى تۇردە جاريالانبايدى. جوعارىدا كورسەتىلگەن كەستەنى رەداكتسيا اتىنان ءبىر اي بويى سۇراۋ سالىپ ءجۇرىپ العامىز. ايتپەسە، ۆەدومستۆو باسشىسى الەكسەي تسوي 3 تامىز كۇنىندە-اق اتالعان اقپاراتتاردى جۇيەلەپ، اپتا سايىن دەنمين رەسۋرستارىندا جاريالاۋعا ۋادە بەرگەن.

"The Qazaq Times"