بەرلين اۋرۋحاناسىندا ەس-ءتۇسسىز جاتقان رەسەيلىك وپپوزيتسيالىق باعىتتاعى ساياساتكەر الەكسەي ناۆالنىيدىڭ بويىنان نەمىس دارىگەرلەرى اسكەري "نوۆيچوك" ۋى تابىلعانىن مالىمدەدى.
ناۆالنىي دەنەسىنەن نوۆيچوكتىڭ تابىلعانى تۋرالى ەۋرووداق، ناتو جانە حيميالىق قارۋمەن كۇرەس ۇيىمىنا حابارلانعان. گەرمانيا ءسىم رەسەي ەلشىسىن شاقىراتىنىن مالىمدەدى.
باتىس ەلدەرى بىرىگىپ رەسەيگە قارسى شارا قولدانۋ ماسەلەسىن قاراستىرىپ باستادى. وتكەن تاۋلىكتە گەرمانيا كانتسلەرى مەركەل "رەسەي ۇكىمەتى عانا جاۋاپ بەرە الاتىن سۇراقتارىمىز بار" دەدى. سونىمەن قاتار، ناۆالنىيعا جاسالعان قىلمىس ادامزاتتىڭ قۇندىلىقتارى مەن قۇقىققا قارسى دەدى ول.
فرانتسيا، ءۇلىبريتانيا، يتاليا، كانادا ت.ب ەلدەردە كرەملدى وقيعانى اشىق زەرتتەۋگە شاقىرىپ، وعان كەلىسپەسە بىرىگىپ شارا قابىلدايمىز دەپ ەسكەرتۋ جاسادى.
ەۋروپالىق ديپلومات جوزەپ بوررەل ناۆالنىيعا قاستاندىق جاسالعانىنا بايلانىستى پىكىر ءبىلدىرىپ، كەز كەلگەن ادامعا حيميالىق قارۋ قولدانۋ حالىقارالىق زاڭعا قايشى قىلمىس دەدى.
اقش تارابى دا ساياساتكەرگە ۋ بەرۋگە بايلانىستى كرەملدى ايىپتادى جانە كونگرەسس ترامپ اكىمشىلىگىن رەسەيدى سانكتسيالاۋعا شاقىردى. ناتو ساياساتكەردىڭ ۋلانۋ ءىسىن رەسەي اشىق زەرتتەۋى ءتيىس دەدى.
رەسەيگە قارسى ايىپتاۋلاردىڭ كوبەيۋنىڭ باستى سەبەبى: نەمىس ۇكىمەتى اسكەري زەرتحانادا جۇرگىزىلگەن زەرىتتەۋدە ساياساتكەر اعزاسىنان تابىلعان ۋدىڭ "نوۆيچوك" توبىنا جاتاتىن حيميالىق قارىۋ بولىپ شىعىۋى.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى