فوتو: share.america

گونكونگتاعى ەپيدەميانىڭ تولقىنى بىرتىندەپ باسەڭدەپ، گونكونگ ۇكىمەتى 1 قىركۇيەكتەن باستاپ جالپى حالىقتى تەستىلەۋ باعدارلاماسىن رەسمي تۇردە جۇزەگە اسىرماق جانە 29 تامىزدان باستاپ ونلاين رەجيمدە كەزەككە جازىلۋدى باستايتىنىن مالىمدەدى.

كوروناۆيرۋس ەپيدەمياسى كەزىندە گونكونگ شەكاراسى قىتايمەن جارتى جىلعا جۋىق جابىلعان بولاتىن، سونىمەن قاتار، كارانتين شەكتەۋلەرى تۋريزم، قوعامدىق تاماقتانۋ جانە بولشەك ساۋدا سالالارىنا قاتتى اسەر ەتتى. ال جالپى حالىقتى تەستىلەۋگە حالىق الاڭداۋشىلىق بىلدىرۋدە سەبەبى قىتاي ۇكىمەتىنە گونكونگ حالقىنىڭ گەن تاپسىرىلاما دەپ كۇدىكتەنەدى.

بەيسەنبىدەگى جاعداي بويىنشا گونكونگتا كوروناۆيرۋس جۇقتىرعانى راستالعان ادام سانى 4700-دەن اسقان، 79 ادام ءولىمى تىركەلگەن.

گونكونگ ۇكىمەتى جوسپاردىڭ ماقساتى قوعامداعى ينفەكتسيالىق احۋالدى جاقسارتۋ، ناۋقاستاردى تەزىرەك انىقتاۋ، ەرتە انىقتاۋعا، ەرتە وقشاۋلاۋعا جانە ەرتە ەمدەلۋگە قول جەتكىزۋگە دەپ مالىمدەدى.

تەست رەسمي تۇردە 1 قىركۇيەكتە باستالىپ ءبىر اپتاعا سوزىلادى. ەگەر گونكونگ ازاماتتارى تەستتەن ءوتۋدى قالاسا ونلايىن تىركەلۋ ارقىلى، تەستىلەۋ ورنى مەن ۋاقىت ارالىعىن تاڭداي الادى. تەستتىڭ تەرىس ناتيجەسى كورسەتكەندەرگە SMS-ارقىلى ءۇش كۇن ىشىندە حابارلانادى، ال وڭ ناتيجە كورسەتكەندەرگە گونكونگتىڭ دەنساۋلىق ساقتاۋ باسقارماسى حابارلايدى جانە وقشاۋلاۋ مەن ەمدەلۋ شارالارى مەملەكەتتىك اۋرۋحانادا جالعاسادى.

گونكونگ ۇكىمەتى جالپى حالىقتى تەستىلەۋدىڭ بارلىق شىعىندارىن ورتالىق ۇكىمەت كوتەرەدى دەپ مالىمدەدى.

بۇگىن گونكونگ ۇكىمەتى جالپى تەستىلەۋگە 141تەستىلەۋ ورتالىعى مەن 6000 عا جۋىق مەديتسينا قىزىمەتكەرى تارتىلاتىنىن .

گونكونگتاعى كوپتەگەن مەديتسينالىق ساراپشىلار بۇل جالپى ۇلتتىق تەستپەن كەلىسپەيدى.

گونكونگ ۋنيۆەرسيتەتىنىڭ ينفەكتسيا جانە ينفەكتسيالىق اۋرۋلار ورتالىعىنىڭ ديرەكتورى حە بوليانگ تەستتىڭ تيىمدىلىگىنە كۇماندانىپ قاتىسپايتىنىن مالىمدەدى، بىراق ازاماتتاردىڭ قاتىسۋىنا قارسىلىق بىلدىرمەيتىنىن ايتتى.

سەيسەنبىدە جۋرناليستەرمەن كەزدەسكەندە گونكونگتىڭ باس اتقارۋشى ديرەكتورى كەرري لام وسى جوسپار ىسكە قوسىلعالى كەيبىر ساراپشىلار مەن دارىگەرلەر جوبانىڭ بەدەلىن تۇسىرۋدە، بۇل «ساياسي ارانداتۋ» دەدى.

بىلتىرعى نارازىلىق شاراسى مەن گونكونگتىڭ «ۇلتتىق قاۋىپسىزدىك تۋرالى زاڭى» بيىل ىسكە قوسىلعاننان كەيىن، كوپتەگەن گونكونگ تۇرعىندارى ۇلتتىق سىناقتان كەيىن قان ۇلگىلەر مەن دنق قىتايعا جىبەرىلەدى دەپ الاڭدايدى.

"The Qazaq Times"