اقش پەن پولشا 15 تامىز ۆارشاۆادا «كەڭەيتىلگەن قورعانىس سالاسىنداعى ىنتىماقتاستىق تۋرالى كەلىسىمگە» (EDCA) قول قويدى. بۇل اقش-تىڭ پولشا جەرىندە قوسىمشا اسكەري كۇشتەرىن ورنالاستىرۋعا مۇمكىندىك بەرەدى.

كەلىسىمگە اقش مەملەكەتتىك حاتشىسى پومپەو مەن پولشانىڭ قورعانىس ءمينيسترى ماريۋش باششاك قول قويدى. اقش مەملەكەتتىك دەپارتامەنتىنىڭ مالىمدەمەسىندە: «اقش پولشامەن بەرىك ەكىجاقتى قارىم-قاتىناستى باعالايدى. ءبىز پولشانىڭ ەكى ەل پرەزيدەنتتەرى ترامپ پەن دۋدا قاراستىرعان كەڭەيتىلگەن قورعانىس سالاسىنداعى ىنتىماقتاستىقتى تولىعىمەن جۇزەگە اسىرۋعا مۇمكىندىك بەرەتىن EDCA-نى تەز ارادا ماقۇلداۋىن كۇتەمىز»، - دەگەن.

بۇل كەلىسىم ناتو-نىڭ قولدانىستاعى كۇشتەرى تۋرالى كەلىسىم مارتەبەسىنە قوسىمشا بولىپ تابىلادى، ول سونىمەن بىرگە اقش اسكەرلەرىنە پولشاعا كوبىرەك اسكەري قوندىرعىلاردى ەنگىزۋگە مۇمكىندىك بەرەدى. وتكەن جىلى ەكى ەل اراسىندا قول جەتكىزىلگەن ۋاعدالاستىققا سايكەس، قازىرگى ۋاقىتتا پولشادا اقش-تىڭ 4500-گە جۋىق اسكەرى بار. جاڭا كەلىسىم اقش-تىڭ پولشاداعى اسكەري كۇشتەرىن 5500-گە دەيىن كوبەيتۋگە جولاشادى.

پومپەو كەلىسىمكەزىندە بەلارۋس جاعدايى تۋرالى دا پىكىر بىلدىرگەن. ول قۇراما شتاتتاردىڭ بەلارۋس جاعدايىن نازاردان تىس قالدىرمايتىنىن اشىق ايتتى.  اقش پەن پولشا اراسىنداعى جاڭا كەلىسىم قۇراما شتاتتاردىڭ شىعىس ەۋروپاداعى اسكەري-ساياسي بەلسەندىلىگىن ارتتىرادى. وعان  قوسا كوپتەگەن مۇمكىندىكتەر جاراتادى. بۇل رەسەي جانە ونىڭ وداقتاسى سانالاتىن بەلارۋس ءۇشىن ۇلكەن قىسىم بولماق.

"The Qazaq Times"