بەلارۋستاعى پرەزيدەنت سايلاۋى قارساڭىندا رەسەيدىڭ ۇزاق ۋاقىتتان بەرگى وداقتاسى مينسك ماسكەۋدى ىشكى ىستەرگە ارالاستى دەپ ايىپتادى.

سوڭعى كەزدەرى بەلارۋس ەكى ەلدىڭ قارىم-قاتىناسىن ىلگەرىلەتۋ ءۇشىن كوپ جۇمىس اتقارعان. پرەزيدەنت لۋكاشەنكو تۇتقىندالعان رەسەيلىكتەر ماسەلەسىندە رەسەيدى ايىپتاپ، سايلاۋ قارساڭىندا الاۋىزدىق تۋعىزۋدى ماقسات ەتەدى دەدى.

وتكەن اپتادا مينسك ماڭىندا ۇستالعان رەسەيلىكتەر جاسىرىن «ۆاگنەر» ۇيىمىنان دەپ ايتىلادى. بەلورۋس بيلىگى تۇتقىندالعان رەسەيلىكتەردى 9 تامىزداعى پرەزيدەنت سايلاۋىنا بايلانىستى ءتارتىپ بۇزدى جانە وپپوزيتسيا بەلسەندىلەرىمەن كەلىسسوز جۇرگىزدى دەيدى.

رەسەي تۇتقىندالعان 33 رەسەيلىكتىڭ لاڭكەستىك ارەكەتكە قاتىسى جوق دەپ، مينسكتى سارباز تۇتقىنداردى بوساتۋعا شاقىردى. رەسەي بۇل ادامداردىڭ لۋكاشەنكوعا قارسى بەلسەندىلەرمەن ەشقانداي بايلانىسى جوق دەيدى. ال تۇتقىندالعان ساربازدار تەرگەۋ بارىسىندا تۇركياعا، ۆەنەسۋەلاعا بارا جاتقانىن ايتقان.

لۋكاشەنكو سوزىندە «رەسەيلىكتەر شەتەلدىك باعىتتارعا تىكەلەي ۇشىپ كەتە الادى، سوندىقتان بەلورۋسقا كىرۋدىڭ قاجەتى جوق» – دەدى. الايدا «ماسسەۋ تايمس» باسىلىمى رەسەيدىڭ كاروناۆيرۋس ىندەتى كەزىندە بارلىق حالىقارالىق رەيستەردى توقتاتقاندىقتان، كوپتەگەن رەسەيلىكتەر بەلورۋستى ساياحات ءۇشىن ترانزيتتىك پۋنكت رەتىندە پايدالانادى دەپ حابارلادى.

"The Qazaq Times"