جاپونياداعى اقش قارۋلى كۇشتەرىنىڭ قولباسشىسى ءبىر كۇن بۇرىن جاپونيانىڭ قىتايعا قارسى نارازىلىعىنا قولداۋ كورسەتتى. بۇدان بۇرىن جاپونيا قىتاي كەمەلەرىنىڭ شىعىس قىتاي تەڭىزىندەگى داۋلى ارالدار ماڭىنا لاس سۋ ءجىبرىپ جاتقان ارەكەتىنە قارسى نارازىلىق بىلدىرگەن.

گەنەرال-لەيتەنانت كەۆين شنايدەر ونلاين ءباسپاسوز ءماسليحاتىن وتكىزىپ، اقش جاپونيا ۇكىمەتىنە سەنكاكۋ ارالدارى ماسەلەسىڭ شەشۋگە تولىقتاي جانە سوڭىنا دەيىن كومەك بەرۋگە دايىن دەپ مالىمدەدى.

قىتاي سەنكاكۋ ارالدارىن ارالداردى «دياويۋ داۋ» دەپ اتايدى جانە اتالعان ارالدى جاپونيانىڭ يەلىگىندە دەپ مويىنداعان ەمەس. توكيو بۇعان دەيىن دە بىرنەشە رەت قىتاي جاعالاۋ كۇزەت كەمەلەرىنىڭ جاپون تەرريتورياسىنا زاڭسىز كىرگەنى ءۇشىن نارازىلىق بىلدىرگەن. شنايدەر سوڭعى كەزدەرى مۇنداي ارەكەتتەر كوبەيگەنىن اتاپ ءوتتى: «ولار (قىتايلىق كەمەلەر) ايىنا بىرنەشە رەت كىرىپ-شىعادى، ءبىز ولاردى جاپوندىقتاردىڭ مۇدەسىنە نۇقسان كەلتىرگەنىن كوردىك»، – دەگەن.

قىتاي سىرتقى ىستەر ءمينيسترىنىڭ وكىلى ۆان ۆەنبين سارسەنبىدە كەزەكتى ءباسپاسوز جيىنىندا قىتايدىڭ جوعارىدا اتالعان ارالداردىڭ ەگەمەندىگىنە دەگەن تالاپتارىن تاعى ءبىر مارتە قايتالاپ، بۇل قىتايدىڭ سول ايماقتا قۇقىق قورعاۋ قىزمەتىن جۇرگىزۋ «قۇقىعى» ەكەنىن باسا ايتتى.

شنايدەردىڭ ونلاين-كونفەرەنتسياسىندا نەگىزىنەن اقش-تىڭ جاپون جەرىندەگى اسكەرىندە تارالعان كوروناۆيرۋسپەن كۇرەسۋ ارەكەتتەرى تۋرالى ءسوز بولدى.
Kyodo News حابارلاۋىنشا، قازىرگى ۋاقىتتا اقش-تىڭ جاپونياداعى بازاسىندا ىندەتتى 139 ادام جۇقتىرعان، بۇل 24شىلدە دەگى 189 ادامدىق كورسەتكىشتەن ازايعان، ەپيدەميانىڭ الدىن الۋ شارالارى ءتيىمدى بولدى دەپ سانايدى. ايتا كەتەيىك 24 شىلدەدە جاپونيا اقش اسكەريلەرىنە ەلگە كىرۋگە ەكى اپتاعا تيىم سالىپ، سوسىن كوروناۆيرۋستىق تەستىلەۋ ارقىلى كىرەدى دەپ كارانتين شارالارىن ەنگىزگەن بولاتىن.
جاپونيا اقش-تىڭ ازياداعى ەڭ كوپ گارنيزونعا يە، سونىڭ ىشىندە اۆياتسيالىق اۋە كەمەسىنىڭ توبى، جويعىش ەسكادريليا جانە وكيناۆادا ورنالاسقان امفيبيالىق كۇش. جاپونيادا شامامەن 50 000 امەريكاندىق سولدات جانە ولاردىڭ وتباسى بار.

ۆاشينگتون مەن بەيجىڭ اراسىنداعى قارىم-قاتىناس COVID-19 پاندەمياسىنىڭ سالدارىنان ناشارلاۋدا جانە رەسمي تاراپتار كەلىسسوزدەر جۇرگىزگەن جوق. جاقىندا ەكى ەل ءبىر-بىرىندە ورنالاسقان ەكى كونسۋلدىقتى جاۋىپ تاستادى، بۇل ديپلوماتيالىق داعدارىستىڭ ايقىن بەلگىسى. سوندىقتان كەيبىر ساياسي ساراپشىلار اقش پەن قىتاي اراسىندا سوعىس تۇتاناما دەپ الاڭداۋشىلىق بىلدىرۋدە.

"The Qazaq Times"