مينسك ماڭىندا رەسەي جەكەمەنشىك اسكەري ۇيىمىنىڭ جالدامالى 32 ساربازى ۇستالدى. وسىعان بايلانىستى بەلارۋس پرەزيدەنتى الەكساندر لۋكاشەنكو قاۋىپسىزدىك كەڭەسىنىڭ مۇشەلەرىمەن شۇعىل جيىن وتكىزدى.
كەشە بەلتا اگەنتتىگى بەلارۋس اۋماعىنا سايلاۋ قارساڭىندا «جاعدايدى تۇراقسىزداندىرۋدى كوزدەگەن 200 رەسەيلىك جالدامالى ساربازدىڭ كەلگەنىن» حابارلاعان. كەيىننەن رەسمي مينسك جالدامالى 32 ساربازدىڭ ۇستالعانىن جانە ولاردىڭ «ۆاگنەر» جەكە اسكەري توبىنا مۇشە ەكەنىن حابارلادى.
رەسەيدىڭ بۇل ارەكەتىن قاتاڭ سىنعا العان لۋكاشەنكو: «مەن ورىستاردىڭ رەاكتسياسىن باقىلاپ وتىرمىن. رەسەي بارىنشا اقتالىپ الەك. بۇل ساربازداردى بەلارۋس تاراپى اكەلدى دەپ سانايدى. ارينە، اركىم ءوزىنىڭ لاس نيەتىن، ارەكەتىن اقتايدى. سوندىقتان دا تەرگەۋ جۇرگىزىپ، ءىستىڭ ءمان-جايىن تەز ارادا انىقتاۋدى تالاپ ەتەمىن. ەگەر ەلدە سايلاۋ الدىندا تۇراقسىزدىق ورناتقىسى كەلگەندەر رەسەيلىك ساربازدار بولسا، ماسكەۋ جاۋاپ بەرۋى ءتيىس»، – دەدى. بۇعان دەيىن لۋكاشەنكو رەسەي بەلارۋستى تاۋەلسىزدىگىنەن ايىرۋدى ماقسات ەتەدى دەپ بىرنەشە مارتە ايىپتاعان بولاتىن.
اتالعان جاعدايدان كەيىن رەسەي تاراپى پىكىر ءبىلدىردى. مەملەكەتتىك دۋمانىڭ تمد ىستەرى جونىندەگى كوميتەتىنىڭ توراعاسى لەونيد كالاشنيكوۆ «ماسكەۋ لۋكاشەنكونى ءاردايىم قولدايدى جانە ەشقاشان مۇنداي قادامدارعا بارمايدى» دەدى. ال بەلارۋس اۋماعىندا ۇستالعان ازاماتتاردىڭ جەكەمەنشىك اسكەري كومپانيانىڭ قىزمەتكەرلەرى ەكەنىنە كۇمان ءبىلدىردى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟