© فوتو: U.S. Navy اقش سۇرياعا شابۋىل جاسادى

اقش قاناتتى زىمىراندارىمەن ءسۇريا ۇكىمەتىنىڭ اسكەري بازاسىنا شابۋىل جاسادى دەپ حابارلايدى NBC News تەلەارناسى. 

اقپارات كوزدەرىنىڭ مالىمەتتەرىنە سايكەس اقش جەرورتا تەڭىزىنەن 50 شاقتى "توماگاۆك" سوعىس زىمىراندارىن ۇشىرعان.

شابۋىل حومسا اۋدانىنداعى اسكەري بازاعا جاسالعان بولاتىن. تەلەارنانىڭ حابارلاۋىنشا، اقش تاراپى وسى ايماقتا تاعى ءبىر حيميالىق قارۋمەن شابۋىلعا دايىندىق بولىپ جاتقانىن مالىمدەگەن جانە سونىڭ الدىن الۋ ءۇشىن وسىنداي ارەكەتكە بارعاندىعىن ايتۋدا.

 CNN ارناسى شابۋىلدىڭ بۇگىن تۇندە باستالعانىن حابارلاعان بولاتىن.
ال سۇريالىق باق وكىلدەرى  اقش-تىڭ بۇل قىلىعىن "اگرەسسيالىق اكتى" دەپ جاريالاپ وتىر.

جويقىن جارىلىس سالدارىنان حومسا اۋدانىنان 40 شاقىرىم قاشىقتىقتا ورنالاسقان  شايرات اۋەبازاسىنا قاتتى زاقىم كەلگەن.

“The Qazaq Times”