ءبىر كۇن بۇرىن قىتاي گونكونگتاعى ەركىندىكتى شەكتەيتىن زاڭدى رەسمي اتقارۋعا بەرگەن بولاتىن. بۇل ءۇشىن اقش وكىلدەر پالاتاسى قىتايعا ەسكەرتۋ سانكتسياسى تۋرالى زاڭدى ءبىراۋىزدان قابىلدادى. پالاتا سپيكەرى ن. پەلوسي مالىمدەمەسىندە گونكونگتاعى ۇلتتىق قاۋىپسىزدىك تۋرالى زاڭ قىتايدىڭ «ءبىر ەل، ەكى جۇيە» تۋرالى ۋادەسىن بۇزۋ دەپ ايىپتاعان.

«بۇگىن ءبىز «گونكونگ تۋرالى» زاڭدى ماقتانىشپەن قابىلدادىق، بۇل قىتاي ۇكىمەتىنىڭ گونكونگ حالقىنا ءوز قاراماعىنا الۋ ءۇشىن جەدەلدەتىلگەن رەپرەسسيانى توقتاتۋدىڭ تاعى ءبىر ماڭىزدى قادامى»، - دەدى پالاتا سپيكەرى.

قابىلدانعان زاڭ جوباسىنا سايكەس اقش گونكونگتىڭ ءبۇلىنۋىن قولدايتىن قىتايدىڭ جەكە نەمەسە زاڭدى تۇلعالارىنا سانكتسيالار سالادى جانە مەملەكەتتىك دەپارتامەنتتەن جىل سايىن سانكتسيالاردىڭ ورىندالۋىن قاداعالاپ كونگرەسكە ەسەپ بەرۋدى تالاپ ەتەدى. بۇل زاڭدى سەنات قايتا قاراپ، سانكتسيا سالىناتىن جەكە جانە زاڭدى تۇلعالارعا، بانكتەر مەن باسقا دا ەكونوميكالىق ۇيىمداردى قوسىپ زاڭ جوباسىن قايتا قابىلدادى.

گونكونگتاعى ۇلتتىق قاۋىپسىزدىك تۋرالى زاڭ سەيسەنبىدە كۇشىنە ەندى.قىتاي ۇكىمەتى گونكونگتىڭ زاڭنامالىق جۇيەسىن اينالىپ وتۋگە تىرىستى جانە بەيجىڭ  ۇلتتىق ەگەمەندىكتى بۇزىپ، ۇلتتىق قاۋىپسىزدىكتى قاۋىپ ءتوندىرۋ دەپ سانايتىن گونكونگتاعى ارەكەتتەردى تىكەلەي جازالادى.

سونىمەن قاتار، اق ءۇي گونكونگقا اسكەري قۇرال-جابدىقتار مەن سوعان بايلانىستى تەحنولوگيالاردىڭ ەكسپورتىن توقتاتۋ جانە قىتايلىق كەيبىر لاۋازىمدى ادامدارىنىڭ ۆيزالارىن شەكتەۋ سياقتى بىرقاتار ارەكەتتەرگە باردى.

“The Qazaq Times”