كورنەكى سۋرەت. فوتو: اشىق دەرەككوز

ءىىم-ءنىڭ مالىمەتىنە قاراعاندا، ەلىمىزدە كارانتين كەزىندە قىلمىس 26%-عا تومەندەگەن كورىنەدى. 

ەلىمىزدىڭ ىشكى ىستەر ءمينيسترى ەرلان تۇرعىمباەۆ ءوزىن-ءوزى وقشاۋلاۋ جانە شەكتەۋ ءتارتىبى كەزەڭىندە قابىلدانعان شارالاردىڭ ارقاسىندا ەلدەگى قىلمىس 26%-عا تومەندەگەنىن حابارلادى. پوليتسيا مەن ءىىم-ءنىڭ باسقا دا كۇشتەرى مۇنداي ەرەكشە رەجيمدە العاش رەت جۇمىس ىستەدى.

"تاۋلىك بويى جۇمىس رەجيمى، بىرقاتار جاعدايلاردا دالا جاعدايلارىمەن كازارمالىق جاعدايى، ءۇي مەن وتباسىنان الشاقتىعى، كەيدە جەكەلەگەن ازاماتتاردىڭ تۇسىنبەۋى مەن قارسىلاسۋى ۇلكەن پسيحولوگيالىق جانە فيزيكالىق جۇكتەمەلەر تۋدىردى. بىراق ءبىزدىڭ قىزمەتكەرلەرىمىز بارلىق 78 كۇن بويى ەل باسشىلىعى قويعان مىندەتتەردى ناقتى ورىنداي وتىرىپ، قىزمەت وتكەرۋدى جالعاستىردى", – دەدى ەرلان تۇرعىمباەۆ.

ءمينيستردىڭ بۇيرىعىمەن بلوك-بەكەتتە كوروناۆيرۋستىق ينفەكتسيامەن كۇرەس شارالارىنا تىكەلەي قاتىسىپ، ەرەكشە كوزگە تۇسكەن پوليتسەيلەر قىزمەتتىك مىندەتتەرىن ادال ورىنداعانى ءۇشىن العىس حاتتارمەن ماراپاتتالدى.

قازاقستاندا كارانتين 78 كۇنگە سوزىلدى. وسى كەزەڭدە ەلدە 400-گە جۋىق بلوك-بەكەت جۇمىس ىستەدى، وعان 6 مىڭعا جۋىق ءىىو قىزمەتكەرلەرى قاتىستى. بارلىق كەزەڭدە بلوك-بەكەتتەردە 3,2 ملننان استام كولىك قۇرالدارى جانە 5 ملن جولاۋشى تەكسەرىلدى.

"ەلدى مەكەندەر اراسىنداعى بلوك-بەكەتتەر الىنىپ تاستالادى. بىراق بۇل قاۋىپ جوق دەگەندى بىلدىرمەيدى. ازاماتتارعا سانيتارلىق تالاپتارمەن ساقتىق شارالارىن قاتاڭ ساقتاۋ كەرەك", – دەدى ءىىم باسشىسى.

2020 جىلعى قاڭتار-ناۋرىزدا قىلمىستىق قۇقىق بۇزۋشىلىقتار تۇرلەرى بويىنشا تىركەلگەن قىلمىستىق قۇقىق بۇزۋشىلىقتار سانى*

بىرلىك

ايماق تىركەلگەن قىلمىستىق قۇقىق بۇزۋشىلىقتار تىركەلگەن قىلمىستىق قۇقىق بۇزۋشىلىقتاردىڭ جالپى سانىنان
قاساقانا كىسى ءولتىرۋ جانە كىسى ولتىرۋگە وقتالۋ قاراقشىلىق توناۋلار ۇرلىقتار ەكونوميكا سالاسىنداعى قىلمىستار
قازاقستان رەسپۋبليكاسى 54 990 280 102 1 109 23 670 549
اقمولا 2 456 19 7 45  968 11
اقتوبە 2 435 14 3 41 1 125 27
الماتى 4 946 23 8 60 2 068 39
اتىراۋ 1 776 6 5 41  617 16
باتىس قازاقستان 2 229 5 3 53 848 17
جامبىل 2 001 32 4 50 792 30
قاراعاندى 3 721 36 5 102 1 789 35
قوستاناي 2 901 18 4 62 1 180 32
قىزىلوردا 1 531 6 2 23 577 16
ماڭعىستاۋ 1 302 6 9 19 345 17
پاۆلودار 1 802 27 6 41 618 18
سولتۇستىك قازاقستان 1 599 8 1 25 617 8
تۇركىستان 2 325 10 4 30 721 12
شىعىس قازاقستان 4 693 22 2 91 1 980 34
استانا 3 857 9 7 86 1 534 18
الماتى قالاسى 10 802 28 20 264 6 078 134
شىمكەنت قالاسى 3 773 11 12 66 1 595 73
كولىك ءوڭىرى 613 - - 2 176 12
اسكەري قىزمەتشىلەر جاساعان 131 - - - 4 -
ارنايى اۋماق (بايقوڭىر) 97 - - 8 38 -

*قازاقستان رەسپۋبليكاسى باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنءىڭ دەرەگى بويىنشا

"The Qazaq Times"