گەرمانيا كانتسلەرى انگەلا مەركەل بۋندەستاگ سايتىنا حاكەرلىك شابۋىل جاساعانى ءۇشىن رەسەيگە قارسى شارا قولدانىلۋى مۇمكىن دەپ مالىمدەدى. بۇل تۋرالى ورتالىق ازيا جاڭالىقتار قىزمەتى جازدى.
سارسەنبى كۇنى بۋندەستاگدا سويلەگەن كانتسلەردىڭ ايتۋىنشا، نەمىس پروكۋراتۋراسىنىڭ 2015 جىلعى شابۋىلعا رەسەيدىڭ قاتىسى بارىن دالەلدەيتىن ايعاق جەتكىلىكتى.
مەركەل بۇل شابۋىلدىڭ سايكەستىك ەمەس، "گيبريدتى سوعىس" ەكەنىن مالىمدەدى. بەرليننىڭ رەسەي ارەكەتىنە جاۋاپ بەرۋگە قاقى بار دەدى كانتسلەر. مەركەلدىڭ مالىمدەۋىنشە، رەسەيمەن اراداعى قارىم-قاتىناس جاقسارىپ كەلەدى، بىراق ماسكەۋدىڭ ارەكەتتەرى دىتتەگەن ماقساتقا جەتۋگە كەدەرگى بولىپ تۇر.
بۇعان قوسا مەركەل وتكەن جىلى تامىزدا بەرليندە شەشەن جىكشىلدەرىنىڭ دالا كومانديرى زەليمحان حانگوشۆيليدى تاپسىرىسپەن ولتىرگەنىن ەسكە سالدى. ءبىر رەسەيلىك كۇدىكتى رەتىندە ۇستالعان. بەرلين ماسكەۋدى قىلمىستى تەرگەۋگە جەتكىلىكتى دەڭگەيدە كومەكتەسپەدى دەپ ايىپتادى. Bellingcat زەرتتەۋىنە قاراعاندا، كۇدىكتىنىڭ رەسەيدىڭ ارنايى قىزمەتىمەن بايلانىسى بولعان. گەرمانيا ەلدەن رەسەيدىڭ ەكى ديپلوماتىن شىعارىپ جىبەردى.
نەمىس پوليتسياسىنىڭ حابارلاۋىنشا، كيبەرشابۋىلدى رەسەيلىك دميتري بادين جاساعان بولۋى مۇمكىن. امەريكالىق فەدەرالدىق بارلاۋ قىزمەتى وعان اقش-قا قارسى حاكەرلىك شابۋىلدار جاساعان دەگەن كۇدىك كەلتىرىپ وتىر.
Spiegel جۋرنالىنىڭ مالىمەتىنشە، بۋندەستاگ سەرۆەرىنە جاسالعان كيبەرشابۋىلدان حاكەرلەر مەركەلدىڭ ەلەكتروندى پوشتاسىنداعى 2012-2015 جىلدار ارالىعىنداعى مالىمەتتەردى العان.
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟