Foto: politeka.net

Germaniya kancleri Angela Merkel' Bundestag saytına hakerlik şabuıl jasağanı üşin Reseyge qarsı şara qoldanıluı mümkin dep mälimdedi. Bwl turalı Ortalıq Aziya jañalıqtar qızmeti jazdı.

Särsenbi küni Bundestagda söylegen kanclerdiñ aytuınşa, nemis prokuraturasınıñ 2015 jılğı şabuılğa Reseydiñ qatısı barın däleldeytin ayğaq jetkilikti.

Merkel' bwl şabuıldıñ säykestik emes, "gibridti soğıs" ekenin mälimdedi. Berlinniñ Resey äreketine jauap beruge qaqı bar dedi kancler. Merkel'diñ mälimdeuinşe, Reseymen aradağı qarım-qatınas jaqsarıp keledi, biraq Mäskeudiñ äreketteri dittegen maqsatqa jetuge kedergi bolıp twr.

Bwğan qosa Merkel' ötken jılı tamızda Berlinde şeşen jikşilderiniñ dala komandiri Zelimhan Hangoşvilidi tapsırıspen öltirgenin eske saldı. Bir reseylik küdikti retinde wstalğan. Berlin Mäskeudi qılmıstı tergeuge jetkilikti deñgeyde kömektespedi dep ayıptadı. Bellingcat zertteuine qarağanda, küdiktiniñ Reseydiñ arnayı qızmetimen baylanısı bolğan. Germaniya elden Reseydiñ eki diplomatın şığarıp jiberdi.

Nemis policiyasınıñ habarlauınşa, kiberşabuıldı reseylik Dmitriy Badin jasağan boluı mümkin. Amerikalıq federaldıq barlau qızmeti oğan AQŞ-qa qarsı hakerlik şabuıldar jasağan degen küdik keltirip otır.

Spiegel jurnalınıñ mälimetinşe, Bundestag serverine jasalğan kiberşabuıldan hakerler Merkel'diñ elektrondı poştasındağı 2012-2015 jıldar aralığındağı mälimetterdi alğan.

"The Qazaq Times"