بۇگىن، 3 مامىر دۇنيەجۇزىلىك ءباسپاسوز بوستاندىعى كۇنى قارساڭىندا حالىقارالىق «ءادىل ءسوز» ءسوز بوستاندىعىن قورعاۋ ۇيىمى بيىلعى ءبىرىنشى توقساندىقتىڭ ەسەبىن جاريالادى.
قاڭتار جانە ناۋرىز ايى ارالىعىندا ۇيىم جۋرناليستەرگە جاسالعان ءۇش شابۋىل، 13 ۇستاۋ (بەسەۋى وقيعادان حابار تاراتۋ كەزىندە بولعان) تىركەگەن. ء"ادىل ءسوزدىڭ" ايتۋىنشا، جۋرناليستەر مەن وزگە دە ازاماتتارعا ازاماتتىق تارتىپتە ء"سوز بوستاندىعى قۇقىعىن جۇزەگە اسىرعانى ءۇشىن" 22 ايىپ تاعىلعان. 17-ءى "ار-نامىس جانە ىسكەرلىك بەدەلدى قورعاۋمەن" بايلانىستى. التى شاعىمدى - مەملەكەتتىك قىزمەتكەرلەر، التاۋىن ۇيىمدار مەن كومپانيالار تۇسىرگەن.
قور سونىمەن بىرگە اقپارات الۋ جانە تاراتۋ قۇقىعىن بۇزۋ بويىنشا 82 فاكت تىركەگەن. ولاردىڭ اراسىندا قوعامدىق ماڭىزدى اقپارات بەرۋدەن باس تارتۋ نەمەسە شەكتەۋ بويىنشا 60 فاكت بار.
بۇعان قوسا ء"ادىل ءسوز" مالىمەتىنشە، اقپارات قۇرالدارىنا قىلمىستىق ىستەر بويىنشا 14 ايىپ تاعىلعان. التاۋى - "جالا جابۋ", تورتەۋى "جالعان اقپارات تاراتۋ" ىسىمەن بايلانىستى.
قۇقىق قورعاۋ ۇيىمىنىڭ مالىمەتىنشە، قازاقستاندا كوروناۆيرۋسقا بايلانىستى 16 ناۋرىزدا توتەنشە جاعداي جاريالانعاننان كەيىن اقپارات قۇرالدارى، بلوگەرلەر مەن وزگە ازاماتتارعا قىسىم ۇدەگەن. بۇعان دەيىن "شەكاراسىز تىلشىلەر" ۇيىمى بيلىكتى ىندەت جايلى اقپارات تاراتقان جۋرناليستەر مەن بلوگەرلەردى قۋدالاۋدى توقتاتۋعا شاقىرعان.
ونىڭ الدىندا حالىقارالىق جانە جەرگىلىكتى قۇقىق قورعاۋشىلار قازاقستان بيلىگىن توتەنشە جاعدايدى پىكىرىن اشىق ايتقان بەلسەندىلەردى قۋدالاۋ قۇرالى رەتىندە پايدالانباۋعا شاقىرعان.
"شەكاراسىز تىلشىلەر" ۇيىمىنىڭ 21 ساۋىردە جاريالانعان "دۇنيەجۇزىلىك ءباسپاسوز ەركىندىگى يندەكسىندە" قازاقستان 180 ەلدىڭ اراسىندا 157 ورىندا تۇر.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟