وتكەن جىلى قىتايدىڭ ۋاحانىنان باستالى كوروناۆيرۋس رەسمي تۇردە COVID-19 دەگەن اتاۋمەن بۇتكىل الەمدىك پاندەمياعا اينالعالى وسى ۆيرۋستىڭ اينالاسىندا ءتۇرلى بولجامدار مەن داۋ-دامايلار تولاستاعان جوق.

بارلىعىمىزعا ءبىر عانا بەلگىلىسى ۆۋرۋستىڭ قىتايدان باستالعانى، جانە قىتاي بيلىگىنىڭ اۋەلدە ءبۇنى جاسىرىپ جاۋىپ قالماق بولعانى. اقىر اياعىندا COVID-19 قىتايدىڭ قانشا جاسىرىپ جاپقانىنا قاراماستان ءوزىنىڭ اشىققا شىققانى. ءارى از ۋاقىتتىڭ ىشىندە التى قۇرلىققا بىردەي دەندەپ تارقاعانى.

ءبىر قاتار ەلدەر وسى رەتكى پاندەميانىڭ كەلتىرگەن زالىنا كىتاي بيلىگى كىنالى دەپ سانايدى. ءارى ونى اشىق ايتىپ تا جاتىر. بۇعان سەبەپتە جوق ەمەس. سونىڭ بىرىنە توقتالساق اقش پرەزيدەنتى دونالد ترامپ كوروناۆيرۋستىڭ ۋحانداعى ۆيرۋسولوگيالىق ينستيتۋتىندا جاسالعانى جونىندەگى دالەلدەردى كورگەنىن ايتتى. اق ۇيدەگى ءباسپاسوز ءماسىلىيحاتىندا جۋرناليستەردىڭ «كوروناۆيرۋستىڭ ۋحانداعى ۆيرسولوگيالىق ينستيتۋتتا جاسالعانى تۋرالى دادەلدەر بار ما؟» -دەگەن سۇراعىنا «ءيا»، مەن كوردىم» دەپ جاۋاپ بەرگەن پرەزيدەنت ترامپ «قىتاي بيلىگىنىڭ ۆيرۋستى توقتاتا المادى، ءيا بولماسا ۆيرۋستى توقتاتۋدىڭ قاجەتتىلىگى جوق دەپ شەشتى»، -دەدى.

سونداي-اق اقش پرەزيدەنتى «بالكىم ولار، قىتايلار اۋەلى باسىندا قاتەلىك جىبەرىپ الدى، سودان سوڭ قاتەلىكتىڭ ۇستىنە قاتەلىك جاماي بەردى، سونىمەن بىرگە بۇنى بىرەۋ ادەيى جاساعان دا بولۋى مۇمكىن» دەگەندى ايتتى.

دەگەنمەن اقش ۇلتتىق بارلاۋ قىزمەتى كوروناۆيرۋستىڭ زەرتحانادا جەتىلدىرمەگەن نەمەسە ۆيرۋستىڭ گەنەتيكاسى وزگەرتىلمەگەنىن،  تابيعي جولمەن تۋىنداپ، سودان كەيىن ادامدارعا جۇققانىن ايتىپ وتىر.

وسىعان دەيىن قىتايلىق حۋان چي شي باۋ (Global Times) باسىلىمىندا بۇل ۆيرۋستىڭ اقش-تاعى فورت-دەتريك زەرتحاناسىندا جاسالعانى تۋرالى جازعان بولاتىن. قىتاي سىرتقى ىستەر مينيسترلىگىنىڭ وكىلى كوروناۆيرۋس ۋحاندا ءبىرىنشى رەت تىركەلگەنىمەن ونى اقش اسكەرلەرى اكەلۋى مۇمكىن دەگەن بولاتىن.

ەكى ەل سوڭعى بىرنەشە اپتادان بەرى كوروناۆيرۋستىڭ تارقالۋى بويىنشا ايتىسىپ ءبىر-ءبىرىن ايىپتاپ جاتىر.

ۆيرۋستىڭ قىتايدان شىققانىنا جانە ونىڭ كەلتىرگەن زالالىنا قىتاي جاۋاپتى بولۋى كەرەك دەپ سانايتىن جالعىز اقش قانا ەمەس، الەمنىڭ بىرقانشا دامىعان ەلدەرىدە قىتايدى COVID-19-دىڭ ەلگە اكەلگەن زاردابىن كوتەرۋگە شاقىرىپ، قاجەت بولسا سوتقا شاعىمداناتىندارىن ايتىپ وتىر.

"The Qazaq Times"