الەم ىندەتكە تاپ كەلىپ جاتقاندا وڭتۇستىك كورەيا پارلامەن سايلاۋ وتكىزدى. سايلاۋ ەل ازاماتىنىڭ 66 پايىزىنىڭ قاتىسۋىمەن وتكەن. ناتيجەسى بويىنشا پرەزيدەنت ءمۇن جايىننىڭ بيلىك پارتياسىنىڭ ۇپايى باسىم.

بىرىككەن دەموكراتيالىق پارتيا پارلامەنتتەگى 300 ورىننىڭ 166 ورىنىن يەلەگەن. بۇعان پرەزيدەنكە جاقتاس وزگە پارتيالاردىڭ 17 ورنىن قوسسا پارلامەنتتەگى بيلىك پارتياسىنىڭ سالماعى اسىپ تۇر.

پارلامەنت سايلاۋىن وتكىزۋگە 550 مىڭ اسكەردەن تۇراتىن ارميا تولىق تارتىلعان. داۋىس بەرۋگە قۇقى بار ازاماتتاردىڭ 66 پايىزى كەزەكتى سايلاۋعا قاتىسقانىنا قاراپ ەل ازاماتتارىن ىندەت جاعدايى الاڭداتپاعانىن بايقايمىز.

وڭتۇستىك كورەيادا پارلامەنتتىك سايلاۋ ءوتتى. فوتو:BBC.

دەگەنمەن، 14 مىڭنان استام داۋىس بەرۋ ۋچاسكەلەرىندە ىندەتكە قارسى ساقتىق شارالارى قاتاڭ ساقتالعان. داۋىس بەرۋشىلەر دەنە تەمپەراتۋراسىن تەكسەرتىپ، قولدارىنا دەزينفەكتسيا جاساعاننان كەيىن عانا قولعاپتارىن كيىپ داۋىس بەرگەن.

ايتا كەتەرى، وڭتۇستىك كورەيا تاريحىندا بىردە ءبىر سايلاۋ مەرزىمىنەن تىس نەمەسە كەشىكتىرىلىپ كورگەن ەمەس. ءتىپتى، وڭتۇستىك-سولتۇستىك كورەيا اراسىندا سوعىس بولىپ جاتقان 1952 جىلى دا پرەزيدەنت سايلاۋى وتكەن بولاتىن.

"The Qazaq Times"