فوتو: EPA/MUHAMMAD SHARIF سەل

كولۋمبيالىق سوت مەديتسينا ورگاندارىنىڭ دۇيسەنبى كۇنگى مالىمدەمەسىنە سايكەس، موكواداعى سەلدىڭ سالدارىنان قازا تاپقان ادامداردىڭ سانى 273-كە جەتىپ وتىر.

Caracol راديوسىنىڭ حابارلاۋىنشا، 100 ادامنىڭ دەنەلەرى جەرلەۋگە تۋعان-تۋىسقاندارىنا جەتكىزىلگەن.  جەرگىلىكتى قىزىل كرەست ۇيىم وكىلدەرىنىڭ ايتۋىنشا،  400 ادام ءتۇرلى جاراقاتتار الىپ، 220 تۇرعىندى ىزدەستىرۋ جۇمىستارى جۇرگىزىلىپ جاتىر.

فوتو: bigpicture.ru
كولۋمبياداعى سەل اپاتى

 پرەزيدەنت حۋان مانۋەل سانتوس ەلدەگى مينيسترلەر كەڭەسىمەن بىرلەسە وتىرىپ، اپات ورىن العان ايماقتى قالپىنا كەلتىرۋ ءۇشىن  ەكونوميكادا، الەۋمەتتىك ورتا مەن ەكولوگيادا توتەنشە جاعداي جاريالادى.
قازىردىڭ وزىندە موكوانى قالپىنا كەلتىرۋ ءۇشىن 40 ميلليارد پەسو (14 ميلليون اقش دوللارى) قارجى بولىنگەن.

تابيعي اپات 1 ءساۋىر كۇنى ورىن العان. نوسەر جاۋىننىڭ سالدارىنان  موكوا، سانگوياكو جانە مۋلاتوس وزەندەرى ارناسىنان تاسىپ، قالا قۇرىلىسىنا، كوشەلەرگە ايتارلىقتاي زاقىم كەلگەن. سۋ، ەلەكتر جۇيەسى، گاز جولدارى تولىقتاي ىستەن شىققان.

45 مىڭ تۇرعىنى بار قالانىڭ 17 اۋدانىن بىراق ءشايىپ وتكەن سەل سوڭعى جىلدارداعى ەڭ ۇلكەن تابيعي اپاتتىڭ ءبىرى بولىپ وتىر.

“The Qazaq Times”