ءوزبەكستان سلوۆاكيالىق "Chirana" كومپانياسىمەن بىرگە جاساندى تىنىس الۋ اپپاراتىن جاسايدى. بۇل تۋرالى ورتالىق ازيا جاڭالىقتار قىزمەتى حابارلادى.
وزبەكستان يننوۆاتسيا مينيسترلىگىنىڭ باسقارما باسشىسى جاموليددين باباحانوۆتىڭ ايتۋىنشا، ءوندىرىس بيىل مامىر ايىندا باستالادى. زاۋىت تاشكەنت وبلىسى بەكتەمىر اۋدانىندا سالىنادى. قۇرىلىس بيىل قىركۇيەك ايىندا اياقتالۋى ءتيىس.
شەتەلدىك كومپانيا جوبانىڭ العاشقى كەزەڭىندە 3 ملن دوللار ينۆەستيتسيا سالادى. جوبانىڭ ەكىنشى كەزەڭىندە 5-6 ملن دوللار ينۆەستيتسيا تارتىلادى. زاۋىت 100 ادامعا جۇمىس بەرەدى.
"جاساندى تىنىس الۋ اپپاراتى قازىر الەمنىڭ 12 ەلىندە شىعارىلادى. مۇنداي زاۋىتتىڭ وزبەكستاندا اشىلۋى - ەلدىڭ مەديتسينالىق قاۋىپسىزدىگىن ارتتىرادى", - دەيدى "CHIRANA+" كومپانياسىنىڭ باس ديرەكتورى ۆاسيلي شيمكو.
اپپارات بولاشاقتا تاجىكستان، تۇركىمەنستان، قىرعىزستان جانە اۋعانستانعا ساتىلادى.
وزبەكستاندا 342 ادام كوروناۆيرۋس جۇقتىرعان. بۇل تۋرالى رەسپۋبليكانىڭ دەنساۋلىق ساقتاۋ مينيسترلىگى حابارلادى.
ساقبەك مايا
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟