قازاقستاندا تاعى ەكى ادامنان كوروناۆيرۋس انىقتالدى. بۇل تۋرالى دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ حابارلادى.

مالىمەتتەر بويىنشا، ۆيرۋس 1958 جىلعى ەر ازاماتتان تابىلعان. ول الماتىعا 10 ناۋرىزدا ماسكەۋدەن ۇشىپ كەلگەن. قازىرگى ۋاقىتتا ناۋقاس ستاتسيونارلىق ەم قابىلداپ جاتىر.

سونىمەن قاتار استانادا تاعى ءبىر ناۋقاس تىركەلدى. ايەل ادام ۆارشاۆادان كەلگەن.

جۇما كەشكە دەيىن قازاقستان دەنساۋلىق ساقتاۋ مينيسترلىگى گەرمانيادان كەلگەن ەكى ادامنان، يتاليادان كەلگەن ءبىر ادامدان Covid-19 ۆيرۋسى تابىلعانىن مالىمدەگەن ەدى.

قازاقستاندا ۆيرۋس جۇقتىرعاندار سانى التاۋعا جەتتى. ونىڭ تورتەۋى – الماتى قالاسىندا، ەكەۋى – استانادا. 1090 ادام ستاتسيونار كارانتيندە، 452 ادام ءۇي كارانتينىندە. دەرتكە شالدىققانداردىڭ ءبارى – قازاقستان ازاماتى.

"The Qazaq Times"