پاراگۆايدا ەرەۋىلشىلەر پارلامەنت سارايىن ورتكە ورادى

پاراگۆايدا پرەزيدەنتىنىڭ قايتا سايلانباۋى ءۇشىن پارلامەنت  عيماراتىن ورتەپ جىبەردى

پاراگۆايدىڭ استاناسى اسۋنسونداعى ەرەۋىلشىلەر پرەزيدەنتتىڭ ەكىنشى قايتا سايلانۋىنا قاتىستى قابىلدانعان زاڭعا قارسى شىعىپ،  نارازىلىق شەرۋىندە پارلامەنت عيماراتىن ورتەپ جىبەردى.

1992 جىلى قابىلدانعان پاراگۆاي ەلىنىڭ كونستيتۋتسيادا، پرەزيدەنت لاۋازىمدى ۋاقىتى بەس جىل دەپ بەلگىلەنىپ، مەرزىمىنەن ارتىق قىزمەت اتقارۋىنا بولمايتىندىعى تۋرالى بەلگىلەنگەن.

وكىلەتتىك مەرزىمىن 2018-جىلى تامامداعىسى كەلمەگەن  مەملەكەت پرەزيدەنتى وراسيو كارتەست تاقتى وڭاي بوساتا قويعىسى كەلمەگەندىكتەن زاڭعا قايشىلىق جاساعان. جوعارعى پالاتا پارلامەنتىنىڭ قۇپيا وتىرىسىنداعى تالقىدان سوڭ، كونستيتۋتسياعا قاتىستى وزگەرتۋلەرگە قاتتى الاڭداۋشىلىق تۋىنداي باستاعان.

شەرۋگە شىعۋشىلار عيماراتتىڭ اينالاسىنا بوگەتتەردى بۇزىپ ءوتىپ، پارلامەنت سارايىنا لاپ قويعان. ولار عيماراتقا باسىپ كىرىپ كەڭسەلەردەگى كارتەستىڭ جاقتاۋشىلارىن تاۋىپ سوققىنىڭ استىنا العان. ءتىپتى بەيرەسمي حابارلاردا ەرەۋىلشىلەر كارتەستىڭ جاقتاۋشىلارى اراسىندا بىرنەشە ادامدى ورتەپ جىبەرگەن. پارلامەنت سارايىندا بولعان بۇل وقيعادان بىرنەشە پوليتسيا قىزمەتكەرى دە زارداپ شەككەن.

ەرەۋىلشىلەردى تىنىشتاندىرۋعا اتتى پوليتسيا ىسكە قوسىلدى. فوتو: BBC TV

مەملەكەت كونستيتۋتتسياسىنىڭ وزگەرتۋلەرىنە كەيبىر سەناتورلار ماقۇل بولىپ، تومەنگى پارلامەنت پالاتاسىنىڭ كەلىسىمىنە وتكىزۋگە جىبەرگەن. پالاتا سپيكەرىنىڭ حابارلاۋى بويىنشا، وسى ماسەلەگە قاتىستى سەنبى كۇنگى وتىرىستا، ەشقانداي شەشىم قابىلدانبايتىنىن ايتىپ، ەل ازاماتتارىنان سابىر ساقتاۋدى سۇراعان بولاتىن.

1954 جىلدان 1989 جىلعا دەيىنگى 35 جىلدا پاراگۆاي بيلىگى گەنەرال الفەردو سترەسسنەردىڭ قولىندا بولعان.  بيلىكتىڭ 1992 جىلدان كەيىنگى جاڭا جۇيەدەگى كونستيتۋتسياسى قابىلدانعان ساتىنەن باستاپ، پاراگۆاي كوپتەگەن ساياسي تۇراقسىزدىقتارعا ۇرىنا باستاعان. سونىڭ ىشىندە مەملەكەت بيلىگىن قۇلاتۋدىڭ بىرنەشە ءساتسىز قادامدارى قايتالانعانى تۋرالى ايتۋعا بولادى.

                                                                                                     اۋد. تۇرگەن-بۇلاق

    “The Qazaq Times”