يزرايل ۇكىمەتى جاۋلاپ العان وڭىرلەرگە زاڭسىز ەۆرەي ەلدى مەكەندەرىن قۇرۋدا

يزرايل وسىدان 25 جىل بۇرىن جاۋلاپ العان باتىس شەريادا جاڭا قالا سالۋدى باستاپ وتىر. يزرايل ۇكىمەتىنىڭ رەسمي حابارىنا قاراعاندا جاڭا قونىستىڭ تۇراعى مەملەكەتتىك قاۋىپسىزدىك كوميتەتى جاعىنان بەكىتىلگەن ەكەن. بۇل جاڭا قالاعا وتكەن ايدا جابىلعان امونا ەۆرەي ەلدى مەكەنىنىڭ تۇرعىندارى ورنالاستىرىلادى دەپ جوسپارلانۋدا. بۇل تۋرالى «اناتولى» اقپاراتتىق اگەنتتىگىنىڭ رەسمي سايتى حابارلاپ وتىر.

1993 جىلى يزرايل قول قويعان «وسلو» كەلىسىمىنەن كەيىن ەۆرەي قونىستارىن سالۋ قادامى العاش رەت اشىق جاريا تۇردە بولىپ وتىر. يزرايل ۇكىمەتى وسلودان بەرى جاۋلاپ الىنعان باتىس شەريا مەن شىعىس يەرۋساليمدەگى ەۆرەي ەلدى مەكەندەرىن ءاردايىم كەڭەيتىپ كەلدى. بىراق، جاڭا قالا-قالاشىق قۇرماعان بولاتىن. يزرايل جاۋلاپ العان باتىس شەريادا شامامەن 400 مىڭ،  شىعىس يەرۋساليمدە 200 مىڭ ەۆرەي تۇرعىن بار. ال، حالىقارالىق قۇقىققا نەگىزدەلگەندە بۇل اتالعان ەۆرەي ەلدى مەكەندەرى زاڭسىز بوپ سانالادى.

“The Qazaq Times”