كەشە، 20 اقپان اقتوبە وڭىرىندەگى مۇنايمەن اينالىساتىن «م-تەحسەرۆيس» كومپانياسىنىڭ جۇمىسشىلارى وتكىزگەن نارازىلىقتان سوڭ جالاقى 15-33 پايىز ارالىعىندا كوبەيەتىنى حابارلاندى.
«ءبىز 21 اقپاننان باستاپ جۇمىسقا قايتا كىرىستىك» دەپتى «م-تەحسەرۆيس» كومپانياسىنىڭ وپەراتورى قارجاۋ قاليەۆ ازاتتىققا.
التىنشى رازريادى بار وپەراتور وسىعان دەيىن اي سايىن 180-200 مىڭ تەڭگە جالاقى الىپ جۇرگەن.
- جاسىم 61-دە. بالالارىم اياقتاندى. سونىڭ وزىندە جالاقىم اس-سۋدان ارتىلماي، قينالىپ ءجۇردىم. بالالى-شاعالى، پاتەرلەرىن نەسيەگە العان جانىمداعى جاس جىگىتتەر مەنەن بەتەر قينالاتىن. وسى سەبەپتى كەشە كەنىشتەگى جۇمىستى توقتاتۋعا ءماجبۇر بولدىق. ۇزاققا سوزىلعان كەلىسسوزدەردەن سوڭ جالاقىمىز كوبەيەتىن بولدى. كومپانيا باسشىلارى نارازىلىق تانىتقان جۇمىسشىلاردى قۋدالاماۋعا ۋادە بەردى، – دەيدى قارجاۋ قاليەۆ.
جۇمىسشىلار نارازىلىعىنان سوڭ «م-تەحسەرۆيس» كومپانياسىندا جالاقى 15-33 پايىز ارالىعىندا كوبەيەتىنىن اقتوبە وبلىسى اكىمىنىڭ ورىنباسارى قايرات بەكەنوۆ تە راستاپ وتىر. 1 اقپاننان باستاپ «م-تەحسەرۆيس» كومپانياسىنىڭ كەڭسەدە وتىراتىن قىزمەتكەرلەرىنىڭ جالاقىسىنا - 15 پايىز، كەنىشتە اۋىر جۇمىس ىستەيتىن جۇمىسشىلار جالاقىسى 33 پايىز قوسىلادى.
قايرات بەكەنوۆتىڭ سوزىنشە، ول 20 اقپان كۇنى كەشكىلىك كەڭقياقتاعى كەنىشكە بارىپ، نارازى جۇمىسشىلارمەن كەزدەسكەن. كەڭقياققا جەتكەنشە جول بويى «م-تەحسەرۆيس» كومپانياسىنىڭ قىتايداعى قۇرىلتايشىلارىمەن تەلەفونمەن كەلىسسوز جۇرگىزىپ، جۇمىسشىلار تالابىن جەتكىزگەن.
- «م-تەحسەرۆيس» مۇناي وندىرمەيدى. سەرۆيستىك قىزمەت كورسەتەتىن كومپانيا. ەكونوميكالىق مۇمكىندىكتەرى شەكتەۋلى بولعاندىقتان كومپانيا جۇمىسشىلار تالابىن بىردەن ورىنداي الماعان. وسىدان كەيىن وبلىس باسشىسى وڭداسىن ورازالين «م-تەحسەرۆيس» كومپانياسىنا تاپسىرىس بەرۋشى ءىرى ءوندىرىس «سنپس-اقتوبەمۇنايگاز» اكتسيونەرلىك قوعامىمەن كەلىسسوز جۇرگىزىپ، 2020 جىلعى ناۋرىز ايىنان باستاپ تاريفتىك جوسپاردى 8-10 پايىزعا وسىرۋگە قول جەتكىزدى. ياعني، سەرۆيستىك قىزمەتكە تولەنەتىن ءتاريفتى كوبەيتۋ ارقىلى جۇمىسشىلار تالابىن ورىنداۋ مۇمكىن بولىپ وتىر-دەيدى قايرات بەكەنوۆ.
بەيسەنبى ياعني، 20 اقپاندا اقتوبە وبلىسى كەڭقياق كەنىشىندە "م-تەحسەرۆيس" كومپانياسىنىڭ ەلۋگە تارتا جۇمىسشىسى تاڭەرتەڭنەن باستاپ جۇمىسقا شىقپاي، جالاقىنى 33 پايىزعا دەيىن كوبەيتۋدى تالاپ ەتكەن بولاتىن. جۇمىسشىلار نارازىلىق اكتسياسىن وتكىزبەي تۇرىپ، كومپانيانىڭ كاسىپوداق كوميتەتى مەن باسشىلارىنا وزدەرىنىڭ تالاپتارىن جەتكىزگەن. بىراق ماسەلە شەشىلمەگەن.
«م-تەحسەرۆيس» كومپانياسى - 2003 جىلى اقتوبە قالاسىندا تىركەلگەن قىتايلىق مەكەمە. ول «ماڭعىستاۋمۇنايگاز» يگەرىپ جاتقان ماڭعىستاۋ وبلىسىنداعى بوزاششى جانە جەتىباي، «سنپس-اقتوبەمۇنايگاز» كومپانياسىنىڭ كەڭقياق كەنىشىندەگى مۇناي ۇڭعىمالارىن جوندەۋ بويىنشا قىزمەت كورسەتەدى. وندا 500-گە جۋىق ادام ەڭبەك ەتەدى.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن