ءال-ءفارابيدىڭ 1150 جىلدىق جانە اباي قۇنانبايۇلىنىڭ 175 جىلدىق مەرەيتويى اياسىندا جۋرناليستيكا فاكۋلتەتى باسپاگەرلىك-رەداكتورلىق جانە ديزاينەرلىك ونەر كافەدراسىنىڭ ۇيىمداستىرۋىمەن اعا وقىتۋشى، سۋرەتشى-ديزاينەر، باسپاگەر بەيسەنبەك فۋاتۇلى سەرىكبايدىڭ 60 جاس مەرەيتويىنا وراي «سۋرەتشى، باسپاگەر، ديزاينەر» اتتى شىعارماشىلىق كورمە جانە «قازىرگى باسپا ءىسى مەن ديزاين ونەرى» اتتى القاسوز ءوتتى.

شارا بەيسەن سەرىكبايدىڭ جەكە كورمەسىنىڭ اشىلۋىنان باستالىپ، №230 ءماجىلىس زالىندا كەڭەيتىلگەن ماجىلىسكە جالعاستى. جيىنعا ەۋرازيالىق ديزاينەرلەر وداعىنىڭ پرەزيدەنتى ەرمەك اسىلحانوۆ، قازاقستان ديزاينەرلەر وداعىنىڭ پرەزيدەنتى قامبار كوشەروۆ جانە ەلىمىزدەگى الدىڭعى قاتارلى باسپالاردىڭ باسشىلارى مەن گازەت-جۋرنالداردىڭ رەداكتورلارى، قر ۇلتتىق مەملەكەتىك كىتاپ پالاتاسىنىڭ باسشىلىعى قاتىستى.

 

"The Qazaq Times"