وزبەستان پرەزيدەنتىنىڭ قىزى سايدا ميرزيوەۆا. فوتو: اشىق دەرەككوز

بىلتىر ساۋىردەن بەرى باق سالاسىنداعى باستى ورىنداردىڭ بىرىندە قىزمەت ەتكەن سايدا ميرزيوەۆا پرەزيدەنت اكىمشىلىگىنە ءوتىنىش جازىپ، جۇمىستان كەتتى.

سايدا ميرزيوەۆا ءوزىنىڭ بۇل شەشىمى تۋرالى پرەزيدەنت اكىمشىلىگى باسشىسىنىڭ توراعالىعىمەن وتكەن كەڭەيتىلگەن جيىندا وزبەكستاننىڭ اقپارات جانە بۇقارالىق كوممۋنيكاتسيالار اگەنتتىگى ديرەكتورىنىڭ ورىنباسارى لاۋازىمىن بوساتاتىنى تۋرالى مالىمدەدى. تاشكەنتتىڭ حانشاسى مەملەكەتتىك ەمەس سەكتوردا جۇمىس ىستەمەك ويىن ءبولىستى.

ول ءوزىنىڭ اگەنتتىكتە اتقارعان جۇمىسى جونىندە ەسەپ بەرگەن. جيىنعا قاتىسۋشى وزگە دە شەنەۋنىكتەر سايدا ميرزيوەۆانىڭ بۇقارالىق اقپارات قۇرالدارى سالاسىنداعى دەموكراتيالىق رەفورمالارى، جۋرناليستەر مەن بلوگەرلەردى قورعاۋ، مەملەكەتتىك ورگانداردىڭ باق-پەن بايلانىسىن نىعايتۋ سالاسىنداعى ەڭبەگىنە جاعىمدى پىكىر ءبىلدىردى.

"The Qazaq Times"