بۇگىن گەرمانيانىڭ كانتسلەرى انگەلا مەركەل تۇركياداعى رەسمي ساپارىن باستادى. مەركەل حانىم تۇرىك ەلىنىڭ باسشىسى رەجەپ تايىپ ەردوعاننىڭ شاقىرۋىمەن انكارا جەرىنە كەشە جەتكەن بولاتىن.

تۇركيا پرەزيدەنتىنىڭ ءباسپاسوز قىزمەتى جاساعان مالىمدەمەدە، ەردوعان مەن مەركەل اراسىنداعى كەزدەسۋدە نەمىس-تۇرىك قاتىناسىن جان-جاقتى دامىتۋ ماسەلەلەرى تالقىلانعان. بۇل تالقى اراسىندا گەرمانياداعى تۇرىك ءناسىلدى ازاماتتاردىڭ ماسەلەلەرى دە ءسوز ەتىلگەن. بۇعان قوسا گەرمانيانىڭ ەو توراعاسى مەرزىمى اياسىندا تۇركيا مەن ەو اراسىنداعى بايلانىستار دا ءسوز ەتىلگەن.

جەكەلەگەن كەزدەسۋ كەزىندە تۇرىك جانە نەمىس باسشىلارى ءسۇريا ماسەلەسىن، ليۆيا تاقىرىبىن، ورتا شىعىس تۇراقتىلىعى تاقىرىپتارىندا دا پىكىر الماسقان.

“The Qazaq Times”