Бүгін Германияның канцлері Ангела Меркель Түркиядағы ресми сапарын бастады. Меркель ханым түрік елінің басшысы Режеп Тайып Ердоғанның шақыруымен Анкара жеріне кеше жеткен болатын.

Түркия президентінің баспасөз қызметі жасаған мәлімдемеде, Ердоған мен Меркель арасындағы кездесуде неміс-түрік қатынасын жан-жақты дамыту мәселелері талқыланған. Бұл талқы арасында Германиядағы түрік нәсілді азаматтардың мәселелері де сөз етілген. Бұған қоса Германияның ЕО төрағасы мерзімі аясында Түркия мен ЕО арасындағы байланыстар да сөз етілген.

Жекелеген кездесу кезінде түрік және неміс басшылары Сүрия мәселесін, Ливия тақырыбын, Орта Шығыс тұрақтылығы тақырыптарында да пікір алмасқан.

“The Qazaq Times”