فوتو: https://newbur.ru

موڭعوليادا «مونگولىن زون ولون» /موزو/ («موڭعول جۇرتشىلىعى») اتالاتىن وتاندىق كولىكتەر ساتىلىمعا شىعارىلاتىن بولدى.

«بارس موتورس» كومپانياسى ءوز ينۆەستيتسيالارىمەن قحر-ىڭ حانچجوۋ قالاسىندا اۆتوكولىك قۇراستىراتىن بىرىككەن زاۋىت اشىپ، ءونىم شىعارا باستاعان.

نەگىزىنەن «بارس موتورس» جشس ءوزىنىڭ بىرلەسكەن كاسىپورنىنا جىلىنا 25000 اۆتوموبيل شىعاراتىن مۇمكىندىككە يە. كەلەسى جىلى 100% ەلەكترمەن جۇمىس ىستەيتىن اۆتوموبيلدەر شىعارماق. سونىمەن قاتار، «بارس موتورس» موڭعوليادا اۆتوموبيل شىعاراتىن زاۋىت اشۋ ءۇشىن زەرتتەۋ جۇمىستارىن باستاعان.

رەسمي مالىمەتتەر بويىنشا، موڭعوليا تۇرعىندارى اۆتوكولىك ساتىپ الۋعا جىلىنا 500-800 ميلليون دوللار جۇمسايدى. ەل ۇكىمەتى اۆتوكولىك ساتىپ الۋعا جۇمسالاتىن قاراجات اعىمىن ساقتاۋ ماقساتىندا كولىك شىعارۋدى دامىتپاق.

قازىرگى ۋاقىتتا كولىكتەردىڭ ساپاسى سىناقتان وتكىزىلىپ جاتىر. العاشقى بولىپ ساتىلىمعا شىعاتىن اۆتوموبيلدەر ورتاشا ولشەمدى، جول تالعامايدى، باعاسى موڭعولداردىڭ ءومىر ءسۇرۋ جاعدايلارى مەن قارجىلىق مۇمكىندىكتەرىنە ساي بولادى دەيدى ساراپشىلار.

"The Qazaq Times"