«ازيا نيۋس» گازەتىنىڭ باس رەداكتورى اسلانبەك سارتباەۆ 15 قاڭتاردا ءاسكەري پروكۋراتۋرادا بەس ساعات بويى تەرگەلىپ شىققان. بۇل تۋرالى ورتالىق ازيا جاڭالىقتار قىزمەتى جازدى.
اسكەري پروكۋراتۋرا مالىمەتىنشە، سارتباەۆتى ەلدىڭ ۆيتسە-پرەمەر-ءمينيسترى جەنيش رازاكوۆقا قاتىستى سىني ماقالاعا بايلانىستى شاقىرعان.
سارتباەۆتىڭ ءوزى ازاتتىققا بەرگەن سۇقباتىندا تەرگەۋشىلەر 5 ساعات بويى سۇراق قويعانىن ايتتى. بىراق تەرگەۋ ءىسىنىڭ قۇپيالىعىنا بايلانىستى قانداي ءىس بويىنشا شاقىرىلعانىن ايتپادى. جۋرناليست تەك «ازيا نيۋس» گازەتىندە جاريالانعان ماقالا بويىنشا ەكەنىن اتاپ ءوتتى.
«سۇراقتار مەنىڭ جۋرناليستىك قىزمەتىمە بايلانىستى بولدى. بەس ساعات بويى وتىرۋ مەن ءۇشىن مورالدىق جاعىنان جانە پسيحولوگيالىق جاعىنان دا قىسىم بولدى»، - دەدى سارتباەۆ.
ۆيتسە-پرەمەر-مينيستر جەنيش رازاكوۆ وسىعان دەيىن «ازيا نيۋس» گازەتىمەن سوتتاسقان. ول ءوزىنىڭ تاجىكستان ارنايى قىزمەتىمەن بايلانىسى بار دەگەن ماقالا ءۇشىن 10 ملن سوم وتەماقى تالاپ ەتتى. 2019 جىلدىڭ قاراشا ايىندا سوت ارىز بەرۋشىنىڭ تالابىن قابىلداپ، گازەتكە 1 ملن سوم (14 مىڭ دوللار) ايىپپۇل سالعان.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى