تايۋان پرەزيدەنت سايلاۋى: دەربەستىكتى جاقتاۋشىلار جەڭىسكە جەتتى

11 قاڭتار (سەنبى) كۇنى وتكەن تايۋاننىڭ پرەزيدەنت سايلاۋىندا بۇرىنعى پرەزيدەنت تساي يىڭۆىن حانىم قايتالاي پرەزيدەنت بولىپ سايلاندى. دەموكراتيالىق پروگرەسس پارتياسىنىڭ وكىلى تساي حانىم بيلىك كەزىندە دەربەستىك ءۇشىن تالپىنىستارىمەن ايگىلى بولعان ەدى. 

دەموكراتيالىق سايلاۋ قورىتىندىسىنا سايكەس تساي يىڭۆىن سايلاۋشىلاردىڭ 57,1 پايىز دايىسىنا يە بولىپ، سايلاۋداعى باستى قارسىلاسى ۇلتتىق پارتيا وكىلى حان گويۋدى ايقىن باسىمدىقپەن جەڭىپ شىقتى. تايۋانداعى ەڭ قالتالى ادام رەتىندە تانىمال  حان گويۋ بولسا سايلاۋ كەزىندە ءوزىنىڭ ءتۇبىرلى ەكونوميكالىق رەفورمالار تۋرالى جوباسى ارقىلى قولداۋشىلارىن كوبەيتكەن ەدى.

الايدا، گونكونگ جاعدايىنان كەيىن دەربەستىك پەن تايۋان دەموكراتياسىن تاباندى دامىتۋ ۇستانىمىنداعى تساي يىڭۆىن پرەزيدەنت سايلاۋىنىڭ جەڭىمپازى بولدى. كەزەكتى سايلاۋدا وعان 8 ملن 170 مىڭنان استام تايۋاندىق داۋىس بەرىپ، ەل تاريحىندا ەڭ كوپ داۋىس جيناعان پرەزيدەنت بولىپ قالدى.

تايۋانداعى پرەزيدەنت سايلاۋ ناتيجەسى جاريالانا سالىسىمەن امەريكا قۇراما شتاتتارىنىڭ بىرقاتار جوعارى لاۋازىمدى تۇلعالارى پرەزيدەنت تسايدى قۇتتىقتادى. ءتىپتىت، مەملەكەتتىك دەپارتامەنت رەسمي قۇتتىقتاۋ جولدادى. مەملەكەتتىك حاتشى پومپەو تايۋانداعى دەموكراتيالىق سايلاۋ وڭىردەگى تۇراقتىلىق پەن دەموكراتيانىڭ دامۋىنا ىقپال ەتەتىن ماڭىزدى شەشىم بولعانىن ايتقان.

ايتا كەتەيىك، تايۋان پرەزيدەنت سايلاۋى كەزىندە قىتاي بيلىگى سايلاۋ ناتيجەسىنە اسەر ەتۋ ءۇشىن الەۋمەتتىك مەديالار ارقىلى شابۋىل جاسادى دەگەن اقپاراتتار دا تاراعان بولاتىن.

“The Qazaq Times”